යුගදනවි බලාගාරයේ කොටස් සියයට හතළිහක් සහ එල්. එන්. ජී. ඒකාධිකාරිය ඇමෙරිකානු සමාගමකට ලබාදීමට අත්සන් කර තිබෙන ගිවිසුම අහෝසි කරන ලෙසට බලකරමින් විදුලිය, වරාය, තෙල් විරෝධතා ව්යාපාරය අද (03දා* යොදාගත් පරිදිම පවත්වන බව ලංකා විදුලි සේවක සංගමයේ කැඳවුම්කරු රන්ජන් ජයලාල් මහතා ‘දිවයින’ට ඊයේ (02දා* පැවසීය.
දිවයින පුරා පිහිටි විදුලිබල මණ්ඩලයට අයත් කාර්යාලවල සේවකයන් අද කොළඹ විදුලිබල මණ්ඩල ප්රධාන කාර්යාලයට පැමිණ දහවල් 12ට විරෝධතා ව්යාපාරයක් පවත්වන බවද ඒ මහතා පැවසීය.
මීට සමගාමීව ජාතික සම්පත් විකිණීමට එරෙහිව වරාය වෘත්තීය සමිති විමලධර්ම ඔරලෝසු කණුව අසලද තෙල් සංස්ථා සේවකයන් ඔරුගොඩවත්ත සහ සපුගස්කන්ද කාර්යාල ඉදිරිපිට ද අද දහවල් 12ට විරෝධතාවේ නිරත වන බව ඒ මහතා පැවසීය.
අද විදුලි වර්ජනයක් ක්රියාත්මක නොවුණත් ගස් කඩා වැටීම් වැනි හදිසි ආපදා තත්ත්වයන්හිදී විදුලි බිඳ වැටීම් සිදුවිය හැකි බවත් එය යථා තත්ත්වයට පත්කිරීමට කාලවේලාවක් ගතවන බවත් ඒ මහතා පැවසීය.
අද පවත්වන විරෝධතාවෙන් පසු අඛණ්ඩ වැඩ වර්ජනයකට යෑම සඳහා වෘත්තීය සමිති නායකයන් දින නියම කිරීමට නියමිත බවද ඒ මහතා වැඩිදුරටත් පැවසීය.
චමින්ද සිල්වා
|