ඉන්දීය හිටපු අගමැති රජීව් ගාන්ධි මහතා ඝාතනය කිරීමට වැරදිකරුවන් වී ජීවිතාන්තය දක්වා සිරදඬුවම් නියම වී සිටි පුද්ගලයන් 06 දෙනකු නිදහස් කිරීමට එරට ශ්‍රේෂ්ඨාධිකරණය නියෝග කර තිබේ.
ඒ අනුව නලිනි ශ්‍රීහරන්, රවිචන්ද්‍රන්, මුරුගන්, රොබට්, ජයකුමාර් සහ සාන්තන් යන විත්තිකරුවන් මෙලෙස නිදහස් කිරීමට ඉන්දීය ශ්‍රේෂ්ඨාධිකරණය නියෝග කර ඇති බව ඉන්දීය මාධ්‍ය වාර්තා කරයි. 1991 වසරේ මැයි මස 21 වැනිදා රජීව් ගාන්ධි මරාගෙන මැරෙන බෝම්බ ප්‍රහාරයකට ලක්වී ජීවිතක්ෂයට පත්වුණි. සිද්ධියට අදාළව චෝදනා එල්ල වූ විත්තිකරුවන් 7 දෙනකුට ජීවිතාන්තය දක්වා සිරදඬුවම් නියම වී තිබූ අතර ඉන් එක් විත්තිකරුවකු වන පෙරාරිවාලන් නමැත්තා පසුගිය මැයි මාසයේ නිදහස් කෙරිණි.
අකිත පෙරේරා
