විශ්වාසභංගයට තමන් අත්සන් කළත් තම පක්ෂය විසින් ප්‍රසිද්ධ කළ ලැයිස්තුවේ තම නම සහ ඡායාරූපය ඇතුළත් නොකිරීම ගැන බලවත් කනගාටුවට පත්වන බව මාතලේ දිස්ත්‍රික් සමගි ජන බල පක්ෂ පාර්ලිමේන්තු මන්ත්‍රීනී රෝහිණී කවිරත්න මහත්මිය සඳහන් කරයි.ජනතා නියෝජිතයින් ලෙස මේ අවස්ථාවේ තීන්දු තීරණ ගතයුත්තේ රටට ජනතාවට යහපතක් වන පිනිස බවත් පවතින අර්බුදකාරී තත්ත්වය මැඩලීමට අවශ්‍ය කාරනා මත බවත් ජනතාව වෙනුවෙන් සැබෑ දායකත්වයක් ලබාදීම සම්බන්ධව ප්‍රසිද්ධියක් ලබාදීම පක්ෂයේ වගකීම බවද මන්ත්‍රීවරිය පැවසුවාය.එනිසා ඊයේ පැවැති පක්ෂයේ පාර්ලිමේන්තු කණ්ඩායම් රැස්වීමට සහභාගී නොවූ බව ඇය මාධ්‍යවෙත අදහස් දක්වමින් පැවසුවාය.
