නුවර කොළඹ මාර්ගයේ හොරගස්මංකඩ දී 21 වන දින සවස කොළඹ දෙසට ධාවනය වූ ගෑස් ලොරියක් හා කොළඹ දෙසින් කුරුණෑගල දෙසට ධාවනය වූ බස් රථයක් මුහුණට මුහුණ ගැටීමෙන් බස් රථයේ ගමන් කළ මගීන් 20 දෙනෙකු තුවාල ලබා වරකාපල රෝහලට ඇතුළත් කළ බව වරකාපල පොලීසිය පැවසීය.
මෙයින් දැනට හත් දෙනෙකූ ප්‍රතිකාර ලබා පිටව ගොස් ඇත. මෙම අනතුර සම්බන්ධව වරකාපල පොලිස් ස්ථානාධිපති ගාමිණී වීරවර්ධන මහතාගේ උපදෙස් මත රථවාහන අංශයේ ස්ථානාධිපති උප පොලිස් පරීක්ෂක ගම්ලත් මහතා පරීක්ෂණ පවත්වයි.
කෑගල්ල එම්.බී.පහලවත්ත වරකාපල ආනන්ද ලියනගේ
