දෙදෙනා ගත් ඡායාරූප සමාජ මාධ්‍ය වෙත මුදාහරින බවට බිය කරමින්
වවුනියාව නගර සභාවේ නාගරික මන්ත්‍රීවරයෙකුගේ පුතෙකු ඔහු ආදරය කළ තරුණියගෙන් රුපියල් ලක්ෂ දෙකක කප්පම් මුදලක් ලබා ගත් බවට වවුනියාව පොලිසියට කාන්තාවක් 18 දා පැමිණිලි කොට තිබේ.
මෙම පුද්ගලයා තරුණිය සමග ආදරයෙන් වෙලී සිටි ඡායාරූප කීපයක් හා වීඩියෝ කීපයක් සමාජ මාධ්‍ය වෙත මුදා හරින බවට බිය ගන්වා මෙම කප්පම් මුදල ලබා ගෙන තිබේ.
මේ වන විට තරුණයා හා තරුණිය අතර පැවති ප්‍රේම සබඳකම බිඳ වැටී ඇති අතර තරුණිය වෙනත් විවාහයක් කර ගන්නා බවට ලැබුණු තොරතුරකින් පසුව තරුණයා පැරණි ඡායාරූප හා වීඩියෝ දර්ශන ගැන ප්‍රකාශ කොට තරුණියව බිය වද්දා ඇත.
වවුනියාව පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
දිනසේන රතුගමගේ
