ගම්පොළ නගරයේ පදිංචිකරුවන් ඇතුළු උඩපළාත සෞඛ්ය වෛද්ය කොට්ඨාසයේ පදිංචි ජනතාව කොරෝනා වෛරසයෙන් බේරා ගැනීමට අපමණ වෙහෙසක් ගෙන කටයුතු කළ ප්රධාන වෛද්ය නිලධාරී එම්. ෂාහිම් මහතා ද කොරෝනා වෛරසයට ගොදුරුව ඇත.
වෛද්යවරයා ඇතුළු ඔහුගේ බිරිඳ හා දරුවන් ද ආසාදනය වී නිවසේ නිරෝධායනය වෙමින් සිටින බව ෂාහීම් මහතා පැවසීය. ගම්පොළ උඩපළාත වෛද්ය කොට්ඨාසය තුළ සිටින එක්ලක්ෂ විසිඅටදහසක් වූ ජනගහනයෙන් 60% ක් සඳහා මේ වනවිට එන්නත්කරණය කිරීමට දායකත්වය ලබාදී ඇති මෙම වෛද්යවරයා ඒ සඳහා මොඩර්නා හා ස්පුට්නික් වැනි එන්නත් ගම්පොළට ගෙන ඒම සඳහා ද කැපවීම් කර ඇත.
ගම්පොළ – සුරංග දිල්හාන්
|