ශ්රී ලංකාවේ වැවිලි ක්ෂේත‍්‍රය වෙනුවෙන් ඉමහත් සේවයක් ලබාදුන් වෘත්තිකයන් දස දෙනකුට ජාතික වැවිලි කළමනාකරණ ආයතනයේ වෘත්තීමය සාමාජිකත්වය (ගෞරවනීය) ලබාදීම නෙළුම් පොකුණ මහින්ද රාජපක්ෂ රඟහලේ දී ඉකුත්දා සිදුකෙරිණි. ජාතික වැවිලි කළමනාකරණ ආයතනයේ ඩිප්ලෝමා සහ සහතිකපත‍්‍ර පාඨාමාලා හැදෑරූ විද්‍යාර්ථීන් සඳහා සහතිකපත් ප‍්‍රදානය පැවති 2022 සහතිකපත් ප‍්‍රදානෝත්සවයේදී මෙම වෘත්තීමය සාමාජිකත්වය (ගෞරවනීය) ලබාදීම ජනාධිපති ගෝඨාභයට රාජපක්ෂ මහතා අතින් සිදුකෙරිණි.
වැවිලි අමාත්‍යාංශය යටතේ පවතින රාජ්‍ය ආයතනයක් වන ජාතික වැවිලි කළමනාකරණ ආයතනය 1979 අංක 45 දරන පාර්ලිමේන්තු පනත මගින් ස්ථාපිත කර ඇති අතර වඩාත් ඵලදායී හා ශක්තිමත් රාජ්‍ය ව්‍යස්ථාපිත ආයතනයක් ඇති කිරීම උදෙසා 1981 අංක 76, 1987 අංක 05 සහ 2003 අංක 38 දරන පනත් මගින් සංශෝධනයට ලක් කර ඇත. පවතින පනතට අනුව, පුහුණු වැඩසටහන්/අධ්‍යයන පාඨමාලා සාර්ථකව නිම කරන අයට සහතික පත‍්‍ර නිකුත් කිරීමට සහ වැවිලි විධායක නිලධාරීන් සඳහා වෘත්තීය සාමාජිකත්වය ප‍්‍රධාන කාණ්ඩ 03 ක් යටතේ පිරිනැමීම සඳහා ස්ථාපිත රජයේ එකම ආයතනය ලෙස ජාතික වැවිලි කළමනාකරණ ආයතනය බලගන්වා ඇත. ජාතික වැවිලි කළමනාකරණ ආයතනයේ සහතිකපත් ප‍්‍රදානෝත්සවය 2022 පෙබරවාරි 22 දින සවස නෙළුම් පොකුණ මහින්ද රාජපක්ෂ රඟහලේ දී පැවැත්විණි. මෙදින ප‍්‍රධාන ආරාධිතයා ලෙසට ශ්රී ලංකා ප‍්‍රජාතන්ත‍්‍රික සමාජවාදී ජනරජයේ ජනාධිපති ගෝඨාභය රාජපක්ෂ මහතා සහභාගි වීය. එදින ජනාධිපතිවරයා විසින් ශ්රී ලංකාවේ වැවිලි ක්ෂේත‍්‍රය වෙනුවෙන් ඉමහත් සේවයක් ලබාදුන් වෘත්තිකයන් දස දෙනකුට මෙසේ ජාතික වැවිලි කළමනාකරණ ආයතනයේ වෘත්තීමය සාමාජිකත්වය (ගෞරවනීය) ලබා දෙන ලදී.
1. ශ්රී ලංකාවේ ඌව වෙල්ලස්ස විශ්වවිද්‍යාලයේ සමාරම්භක උපකුලපති (2004-2011) ආචාර්ය චන්ද්‍රා ඇඹුල්දෙණිය ජාතික විශ්වවිද්‍යාලයක උපකුලපතිවරයෙකු වූ පළමු පුද්ගලික අංශයේ ප‍්‍රධාන විධායක නිලධාරියා විය. ඔහු ශ්රී ලංකා ජාතික වාණිජ මණ්ඩලයේ (NCCSL), ශ්රී ලංකා තිරසාර සංවර්ධනය සඳහා වූ ව්‍යාපාරික කවුන්සිලයේ ආරම්භක සභාපතිවරයා, BIMSTEC ්‍වාණිජ හා කර්මාන්ත මණ්ඩලයේ ආරම්භක සභාපති සහ ප‍්‍රමුඛ සමාගම් කිහිපයක ප‍්‍රධාන විධායක නිලධාරියා ලෙස ද කටයුතු කොට ඇත.
2. ආචාර්ය ඩෑන් සීවරත්නම් අභ්‍යාසලාභී සහකාර කළමනාකරුවෙකු ලෙස සිය වෘත්තීය ජීවිතය ආරම්භ කර ප‍්‍රධාන විධායක නිලධාරී තනතුර දක්වා ඉහළට පැමිණ ඇති අතර එය වැවිලිකරුවෙකුට ළඟාවීමට අපේක්ෂා කළ හැකි ඉහළම පියවර එයයි. ජෝන් කීල්ස් හෝල්ඩිංග්ස්
විසින් කළමනාකරණය කරනු ලබන මස්කෙළිය වැවිලි සමාගමක සහ නමුණුකුල වැවිලි සමාගම සහ ෆෝබ්ස් වැවිලි සමාගම විසින් කළමනාකරණය කරනු ලබන කහවත්ත වැවිලි සමාගම යන වැවිලි කළමනාකරණ සංවිධානවල ප‍්‍රධාන විධායක නිලධාරියා ලෙස ඔහු පුළුල් ලෙස පිළිගැනීමට ලක්ව ඇත. ඔහු වටවල වැවිලි සමාගම හි අධ්‍යක්ෂ/ප‍්‍රධාන විධායක නිලධාරියා ලෙස 2008 අපේ‍්‍රල් සිට 2015 මැයි දක්වා පත් කරන ලදී. ශ්රී ලංකාවේ ඉහළ තේ වගා කරන වතු අතරින් ඉහළම අස්වැන්නක් ලබාගැනීම වෙනුවෙන් ඔහුට රන් පදක්කම් තුනක් හිමි විය.
3. ශ්රී ලංකා රබර් පර්යේෂණ ආයතනයේ හිටපු විධායක අධ්‍යක්ෂ/ ප‍්‍රධාන විධායක නිලධාරි ආචාර්ය එල්. එම්. කේ. තිලකරත්න අද රබර් නිෂ්පාදනය කරන රටවල් බොහොමයක භාවිත වන වර්ෂාවෙන් සිදුවන බෝග හානිය අවමකිරීම සඳහා වැහි ආරක්ෂක යන්ත‍්‍ර සවි කිරීම සඳහා සීලන්ට් නිෂ්පාදනය සඳහා පේටන්ට් බලපත‍්‍ර හිමිකරු වේ. ඔහුගේ පර්යේෂණ දායකත්වය වෙනුවෙන් ඔහුට ලෝක බුද්ධිමය දේපළ සංවිධානයේ රන් පදක්කම පිරිනමන ලදී. ඔහු පොලිමර් රසායන විද්‍යාව පිළිබඳ මහාචාර්යවරයෙකි.
4. තේ රස බැලීමේ කලාව ඉගෙනගත් පළමු ලංකා කණ්ඩායම අතර මෙරිල් ජේ. ප‍්‍රනාන්දු ද විය. තරුණ තේ රස පරීක්ෂකයෙකු වුවද, වයස අවුරුදු විසි ගණන්වලදී, ඔහු අතරමැදියෙකුට නොව නිෂ්පාදකයාට එකතු කළ අගය එකතු කිරීමේ ප‍්‍රතිලාභ සමඟ නිෂ්පාදකයා සතු සන්නාමයක් පිහිටුවීමට තීරණය කළේය. ඒ අනුව Dilmah සන්නාමයක් ලෙස හඳුනාගන්නා ලදී.
5. 1998 දී අනිල් කුක් මහතා සහ කණ්ඩායමක් Asia Siyaka Commodities ආරම්භ කළ අතර සමාගමේ නිර්මාතෘ නියෝජ්‍ය ප‍්‍රධාන විධායක නිලධාරියා වූ අතර 2008 වසරේ සිට ඔහු Asia Siyaka Commodities PLC හි කළමනාකාර අධ්‍යක්ෂ සහ ප‍්‍රධාන විධායක නිලධාරී ලෙස සේවය කරයි. වසර ගණනාවක් පුරා ඔහු කොළඹ තැරැුව්කරුවන්ගේ සංගමයේ සභාපතිවරයා ලෙසත්, කොළඹ තේ වෙළඳුන්ගේ සංගමයේ කමිටු සාමාජිකයෙකු ලෙසත්, ශ්රී ලංකා තේ මණ්ඩලයේ අධ්‍යක්ෂවරයා ලෙසත් බොහෝ වාරයක් සේවය කර ඇත.
6. බී. ආර්. එල්. ප‍්‍රනාන්දු 1970 දී තම වෘත්තීය ආරම්භ කර, රාජ්‍ය සංස්ථාවක් වන කාර්මික සංවර්ධන මණ්ඩලයට ගණකාධිකාරීවරයෙකු ලෙස සම්බන්ධ වී 1973 දී ප‍්‍රධාන ගණකාධිකාරී තනතුර දක්වා ඉදිරියට ගියේය. සමාගම් කිහිපයකම ඔහු කටයුතු කොට ඇති අතර ශ්රී ලංකා මහ බැංකුව විසින් පිරිනමන ”Global Commerce Excellence Medal 2014˜ සම්මානලාභියා වීම ඔහුගේ විශේෂ ජයග‍්‍රහණ අතර වේ. ‘‘හෝල් ඔෆ් ෆෙම් 2015 Lifetime සම්මානය” ශ්රී ලංකා වරලත් ගණකාධිකාරී ආයතනයෙන් ලබන්නා ලදී.
7. ඞී. එම්. බී. ඒ. පෙරේරා මහතා 1978 වසරේ දී සිය වෘත්තීය ජීවිතය ආරම්භ කළේය. ඉන් පසු ඔහු ජනතා වතු සංවර්ධන මණ්ඩලයේ සහකාරවරයෙකු ලෙස සම්බන්ධ විය. වතු කම්කරුවන්ගේ සමාජ සුබසාධන ප‍්‍රමිතීන් නංවාලීම සඳහා මහනුවර, නුවරඑළිය දිස්ත‍්‍රික්ක සඳහා කළමනාකාරවරයා සහ 1985 දී කළමනාකරු ලෙස උසස් කරන ලදී. වතු නිවාස හා සමාජ සුබසාධන භාරය හඳුන්වාදීමත් සමඟ ඔහු මහනුවර සහ නුවරඑළිය ප‍්‍රදේශයේ ප‍්‍රථම ප‍්‍රාදේශීය අධ්‍යක්ෂවරයා ලෙස 1992 දී පත් කරන ලදී.
8. 1965 දී , වයස අවුරුදු 18 දී මැක්වුඞ්ස් වතු සහ මධ්‍යම පළාත් ලංකා තේ සමාගම සඳහා මධ්‍යම පළාත් ලංකා තේ සමාගම සඳහා බඳවාගත් මලින් ගුණතිලක මහතා බි‍්‍රතාන්‍ය වැවිලිකරුවන් යටතේ පුහුණුව ලබා සාපේක්ෂ වශයෙන් අඩු වයසක දී අධිකාරී තනතුරට පත් වූ අතර එක්සත් රාජධානියේ පොදුරාජ්‍ය මණ්ඩලයීය සංවර්ධන සංස්ථාව විසින් නැගෙනහිර මැලේසියාවේ පුරෝගාමී තේ ව්‍යාපෘතියක් කිරීමට ඔහුට ආරාධනා කරන ලදී, එහිදී ඔහු වසර 9 ක් සාමාන්‍යාධිකාරී ලෙස සේවය කළේය.
9. එස්. කේ. එල්. ඔබේසේකර මහතා, වැවිලි කර්මාන්තයේ වසර 48කට වැඩි පළපුරුද්දක් ඇති අතර, සීමාසහිත Ms Mackwoods Estates & Agencies සමඟ සම්බන්ධ වී කටබූල වතුයායේ වැවිලිකරුවෙකු ලෙස තම වෘත්තීය ජීවිතය ආරම්භ කර, ලැයිස්තුගත වැවිලි සමාගම් දෙකක අධ්‍යක්ෂ/ප‍්‍රධාන විධායක නිලධාරී තනතුර දක්වා උසස් විය. ඔහු 2017 සැප්තැම්බර් මාසයේ දී විශ‍්‍රාම යන තෙක් වසර 25 ක අඛණ්ඩ කාලයක් මෙම තනතුර දැරීය. ඔහු ලංකා වැවිලිකරුවන්ගේ සංගමයේ සහ ලංකා හාම්පුතුන්ගේ සම්මේලනයේ වැවිලි සේවා සමූහයේ හිටපු සභාපතිවරයෙකි. ඔහු දැනට ජාතික කම්කරු උපදේශක සභාවේ (NLAC) සාමාජිකයෙකු වන ලංකා සේවා යෝජකයන්ගේ සම්මේලනයේ කවුන්සිලයේ සභිකයෙකු මෙන්ම රාජ්‍ය ආයතන කිහිපයකම පාලක මණ්ඩල සාමාජිකයෙකු ලෙස කටයුතු කරයි. ඔහු දැනට ජාතික වැවිලි කළමනාකරණ ආයතනයේ පාලක මණ්ඩල සාමාජිකයෙකු මෙන්ම ලංකා වැවිලිකරුවන්ගේ සංගමයේ මහලේකම්වරයා වශයෙන් ද කටයුතු කරයි.
10. ටියාබ් අක්බාර් අලි යනු ශ්රී ලංකාවේ විශාලතම විවිධාංගීකරණය වූ ආයතනවලින් එකක් වන අක්බාර් බ‍්‍රදර්ස් සමාගම් සමූහයේ කළමනාකාර අධ්‍යක්ෂවරයා වන අතර, ඔවුන්ගේ තේ අපනඅයන කාර්ය සාධනය වෙනුවෙන් කීර්තිමත් සම්මාන රැසක් දිනා ගැනීම හේතුවෙන් ගෝලීය වශයෙන් ප‍්‍රසිද්ධ ය.
මෙසේ වැවිලි ක්ෂේත‍්‍රයේ ප‍්‍රවීණයන් ජනාධිපතිවරයා අතින් ඇගයීම් සම්මාන ලබන අවස්ථාවට වැවිලි අමාත්‍ය වෛද්‍ය රමේෂ් පතිරණ, වැවිලි රාජ්‍ය අමාත්‍ය කනක හේරත් යන මහත්වරු, වැවිලි අමාත්‍යාංශයේ සහ රාජ්‍ය අමාත්‍යාංශවල ලේකම්වරුන් ඇතුළු ඉහළ නිලධාරීන්, ජාතික වැවිලි කළමනාකරණ ආයතනයේ වත්මන් සභාපති අසෝක සිරිවර්ධන මහතා, අධ්‍යක්ෂ/ප‍්‍රධාන විධායක නිලධාරී ආචාර්ය ප‍්‍රසාද් ධර්මසේන මහතා ඇතුළු වැවිලි ක්ෂේත‍්‍රයේ නිලධාරීහුද සහභාගි වූහ.
