ඉකුත් ජුලි 08 දා වෙඩි ප්‍රහාරයකින් ඝාතනය වූ හිටපු ජපන් අගමැතිවරයෙකු වන ශින්සෝ අබේ ගේ මරණය සම්බන්ධයෙන් වගකීම භාර ගනිමින් තමා සිය තනතුරින් ඉල්ලා අස් වන බව ජපන් පොලිසියේ ප්‍රධානියා වන ඉටාරු නකමුරා පවසා තිබේ.
ඝාතනයට ලක් වූ හිටපු ජපන් අගමැතිවරයාට ආරක්ෂාව ලබා දීමේදී බලවත් අඩුපාඩු සිදු වී තිබෙන බව පරීක්ෂණවලදි හෙළි වී තිබීම නිසා ජපානයේ ජාතික පොලිස් ආයතනයේ ප්‍රධානියා මෙසේ සිය තනතුරින් ඉවත් වීමට තීරණය කර තිබේ. හිටපු ජපන් අගමැති අබේ නාරා ප්‍රදේශයේ දේශපාලන සමුළුවක් අමතමින් සිටියදී 41 වියෙහි පසුවන පුද්ගලයෙකු එල්ල කළ වෙඩි පහරකින් මරණයට පත් විය.
