ශිෂ්‍යත්ව විභාගයට පෙනී සිට එය අවසන් වී නිවෙස් වලට පැමිණ දෙමාපියන් හා එක්ව ඊයේ නිලාවෙලි එරක්කණ්ඩි මෝය අසල දිය නෑමට ගොස් දියේ ගිලූ‍ණු සිසුවියන් පිරිසකගෙන් එක් සිසුවියක මියගොස් තවත් සිසුවියක් අසාධ්‍ය තත්වයෙන් ත‍්‍රිකුණාමලය මහ රෝහලේ ප‍්‍රථිකාර ලබන බව කුච්චවේලි පොලිසිය පවසයි.
දිය නෑමට ගිය සිසුවියන් කණ්ඩායමට සිසුවියන් සිව් දෙනෙකු සිට ඇති අතර එක් සිසුවියක ගේ මව හා පියා සමග මෙලෙස දිය නෑමට ගොස් මෙම අනතුර සිදුව තිබේ. මෙලෙස මිය ගියේ ත‍්‍රිකුණාමලය ආන්දම්කුලම පාසල් මාවතේ පදිංචි කේ. ඒ. ඔෂිනි අස්වානි නැමැති දස හැවිරිදි සිසුවියයි.
