පළාත් පාලන මැතිවරණය වෙනුවෙන් ඡන්ද පත්‍රිකා මුද්‍රණය කිරීම සඳහා අවශ්‍ය මුදල් ප්‍රමාද වෙන තරමට එම ඡන්දය දිනෙන් දින කල් යන බව රජයේ මුද්‍රණාලයාධිපතිනි ගංගානි කල්පනී ලියනගේ මහත්මිය ‘දිවයින’ ට ඊයේ (16 දා) පැවසුවාය. මේ අනුව මෙම මුද්‍රණ වියදම් අද හෙට ලැබුණොත් මුද්‍රණ කිරීම සඳහා දින 30ක පමණ කාලයක් ගතවෙන බව ද ඇය කීවාය.
උදාවී තිබෙන තත්ත්වය අනුව මෙම මැතිවරණය අප්‍රේල් මාසයේ කෙසේ වෙතත් මැයි මාසය තුළවත් බලාපොරොත්තු විය හැකි බව ද ඇය කීවාය. ලහි ලහියේ මුද්‍රණය කිරීමට අවශ්‍ය වුවහොත් අතිකාල සේවාවන් යොදා හෝ ඡන්ද පත්‍රිකා මුද්‍රණය කිරීමට උත්සාහ දරන බව ද ඇය පැවසුවාය.
නෝමන් පලිහවඩන
