රට තුළ පවතින ඩීසල් හිඟය හේතුවෙන් අද (15 දා) පෞද්ගලික බස් රථ පහළොස්දහසක් පමණ ධාවනය නොවන බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා ‘දිවයින’ ට පැවැසීය.
පවතින තත්ත්වය හමුවේ අද දිනයේ ධාවනය වන මුළු පෞද්ගලික බස් රථ සංඛ්‍යාව තුන්දහසක් (3000) බව ද හෙතෙම කීය. දිවයින පුරා පෞද්ගලික බස් රථ 20,000 ක් ඇති බවත්, මීට පෙර දෛනිකව බස් රථ 18,000 ක් ධාවනය වූ බවත් ඒ මහතා කියා සිටියේය.
ඩීසල් හිඟය හේතුවෙන් බස් රථ විශාල සංඛ්‍යාවක් ධාවනය කරවීමේ ගැටලු මතුවෙමින් ඇතැයි ද හෙතෙම කීය.
ඩීසල් ලබාගැනීමට නොහැකි වුවහොත් සියලු පෞද්ගලික බස් රථ ධාවනය නතරවනු නොවැළැක්විය හැකි බවද හේ වැඩිදුරටත් සඳහන් කළේය.
ප්‍රදීප් ප්‍රසන්න සමරකෝන් සහ ශිරාන් රණසිංහ
