DFCC බැංකුව පසුගියදා Bancstac හි පූර්ණ අයිතිය යටතේ පවතින අනුබද්ධ සමාගමක් වන Paycorp International සමග තාක්ෂණික හවුල්කාරීත්වයකට එළඹීමට කටයුතු කළේ ය.
මෙමගින් DFCC බැංකුවේ අන්තර්ජාල ගෙවීම් සේවාව (Internet Payment Gateway Service – IPGS) තවදුරටත් පුළුල් වේ. දැනට පවතින IPG මගින් වෙළෙඳුන්ට Visa සහ Mastercard කාඩ්පත් භාවිතයෙන් සිදුකරන ගෙවීම් භාරගත හැකි අතර, නව හවුල්කාරීත්වය තුළින් ඔවුන්ට ළඟදීම UnionPay International, American Express, Discover Network සහ Diners Club වැනි ජාත්‍යන්තර ගෙවීම් සේවාවන් වෙතින් සහ LankaPay-JCB Cards සහ LANKAQR වැනි දේශීය ගෙවීම් සේවාවන් තුළින් සිදුකරන ගෙවීම් භාරගැනීමට හැකියාව ලැබෙනු ඇත.
