ශ‍්‍රී ලංකාවේ ප‍්‍රමුඛතම සන්නිවේදන සම්පාදකයා වන ඩයලොග් ආසිආටා පීඑල්සී, අඛණ්ඩව තෙවන වරටත් ‘ශ‍්‍රී ලංකාවේ වටිනාම වෙළෙඳ නාමය’ බවට ලොව ප‍්‍රමුඛතම ස්වාධීන වෙළෙඳ නාම තක්සේරුකරණ උපදේශන ආයතනය වන බ‍්‍රෑන්ඞ් ෆිනෑන්ස් විසින් නම් කරනු ලැබීය. වාර්ෂිකව 18 වන වරටත් පැවැත්වුණු තක්සේරුකරණයේදී ඩයලොග් සමාගම වෙත මේ වටිනා ගෞරව සම්මානය පිරිනැමුණු අතර, අඛණ්ඩව 7 වන වරටත් AAA වෙළෙඳ නාම ශ්‍රේණිගත කිරීම සහ අඛණ්ඩව 14 වන වරටත් ‘වටිනාම විදුලි සංදේශ වෙළෙඳ නාමය’ යන සම්මානයද ලබා ගන්නටත් ඩයලොග් සමත් වූයේ ශ‍්‍රී ලාංකේය ජන ජීවිත සවිබලගන්වමින් ශක්තිමත් කරන සිය සන්නාමයේ ආචාර ධර්ම යළි යළිත් තහවුරු කරමිනි. ශ‍්‍රී ලාංකීය සිත් සතන් තුළ නොමැකෙන නාමයක් සනිටුහන් කිරීමට සමත් වූ ඩයලොග් සන්නාමය ‘වඩාත්ම ආදරය කරන විදුලි සංදේශ සන්නාමය’ ලෙසින්ද අභිෂේක ගැන්විණි.
ගතවූ වසර 25 තුළ ශ‍්‍රී ලාංකේය ජන ජීවිත සහ ව්‍යවසාය සවිබලගන්වමින් ශක්තිමත් කිරීම සඳහා වූ ඩයලොග් ආයතනයේ අභිමතාර්ථය සහ ඒ වෙනුවෙන් දක්වන ලද අප‍්‍රතිහත කැපවීම ඩයලොග් සන්නාමයේ ශක්තිය කෙරෙහි බලපෑ ප‍්‍රධාන සාධක විය. සිය සන්නිවේදන ධාරිතාවයත් සන්නාමයේ ශක්තියත් උපයෝගී කරගනිමින් ප‍්‍රජාව කෙරෙහි ධනාත්මක බලපෑමක් ඇති කිරීමට සමත් වූ විසඳුම් ලබාදීමට ඩයලොග් සමාගමට හැකිවිය. ඩයලොග් සන්නාමය සහ එහි වටිනාකම් සම්බන්ධයෙන් මිලියන 16 කට අධික පාරිභෝගිකයන් සතු විශ්වාසය සහ
ළබැඳියාව සමාගමට ලැබෙන මෙවැනි ඇගයීම් තුළින් මැනවින් පිළිබිඹු වේ. කොවිඞ් – 19 ගෝලීය වසංගතයේ බලපෑමෙන් එල්ල වූ අභියෝග ජයගැනීම සඳහා සිය පාරිභෝගිකයන්, සහෘදයන්, ප‍්‍රජාව සහ සමස්ත රටවැසියන්ට සහාය වෙමින් ශක්තියක්වීම කෙරෙහි ඩයලොග් දැක්වූ අපරිමිත උත්සාහයද බ‍්‍රෑන්ඞ් ෆයිනෑන්ස් වෙතින් ලද මෙම ඇගයීම තුළින් මැනවින් නිරූපණය කෙරේ.
කොවිඞ් කාලසීමාව තුළ ජාතික සෞඛ්‍ය සේවා ක්ෂේත‍්‍රයේ යටිතල පහසුකම් සංවර්ධනය කිරීමේ ක‍්‍රියාවලියට පූර්ණ සහාය ලබාදෙමින් රට හමුවේ තිබූ දැවැන්තම අභියෝගලට පිළිතුරක් වන තාක්ෂණික විසඳුම් හඳුන්වාදීමේ කාර්ය වේගවත් කිරීමටද ඩයලොග් කටයුතු කරන ලදී. ධබකසබැ පහසුකම් හා සේවාවන් දෛනික අවශ්‍යතාවයක් බවට පත්වෙද්දී, ඒ වෙනුවෙන් දිනෙන් දින ඉහළ යන පුද්ගල සහ ව්‍යාපාරික අවශ්‍යතා ඉටුකරමින්, ඔවුන්ට අඛණ්ඩව රැුකියාවේ සහ අධ්‍යාපන කටයුතුවල නියැලීමට නවතම ඩිජිටල් සේවාවන් හඳුන්වාදීමට කටයුතු කෙරිණි.
