එමඟින් සියලුම ශ්‍රී ලාංකික තරුණ තරුණියන්ට ගාස්තුවකින් තොරව කෝඩින් විෂය ඉගෙන ගැනීමට අවස්ථාව ලැබෙනු ඇත. මෙම ව්‍යාපෘතිය ශ්‍රී ලාංකිකයන්ගේ ඩිජිටල් සාක්ෂරතාවය වර්ධනය කිරීම උදෙසා මෙන්ම, දරුවන්ගේ සහ තරුණයන්ගේ තාර්කික චින්තන කුසලතාවයන් වර්ධනය කර ගැනීම උදෙසා ද මහඟු ලෙස ඉවහල් වේ. තවද, එමගින් කම්පියුටර් ප්‍රෝග්‍රැමින් (Computer Programming), සොෆ්ට්වෙයාර් ඉංජිනේරු (Software Engineering), සහ සොෆ්ට්වෙයාර් ප්‍රෝග්‍රැමින් (Software Programming) යන ගෝලීය වශයෙන් ඉහළ ඉල්ලුමක් ඇති රැකියා අවස්ථා සඳහා අවශ්‍ය මූලික දැනුමින් ලාංකික තරුණ පරපුර සන්නද්ධ කෙරේ.
මීට සමගාමීව, ගෞරවනීය අළුදෙණියේ සුබෝධි ස්වාමීන් වහන්සේගේ අදහසකට අනුව ඩී.පී. එඩියුකේෂන් කෝඩින් ක්ලබ් සංකල්පය මෙම විද්‍යාලයේ පළමු වරට ආරම්භ කරන ලදී. එමෙන්ම, උන්වහන්සේගේ අනුශාසකත්වයෙන් සහ විදුහල්පති ජී. ආර්. සී. කේ. ගම්ලත් මහතාගේ උපදෙස් මත විද්‍යාලයේ 6 ශ්‍රේණියේ සිට ඉහළට සියලුම සිසුන්ට කෝඩින් විෂයක් ලෙස ඉගනගැනීම අනිවාර්ය කෙරිණි.
]]>