මෙම උසස් කිරීම හරහා මහ බැංකුව මේ වසරේ ජූලි මාසයේදී ක්‍රියාත්මක කරන ලද ශ්‍රී ලංකාවේ දේශීය ණය ප්‍රශස්තකරණ සැලැස්මේ දේශීය මුදල් සම්බන්ධ කොටස සම්පූර්ණ කිරීම පිළිබිඹු කරනු ඇති බව ෆිච් රේටින්ග්ස් ආයතනය පවසයි.
ශ්‍යාම් නුවන් ගනේවත්ත
]]>දේශීය බැඳුම්කර හුවමාරුවට අදාළ බැඳුම්කර වර්ගීකරණය D මට්ටමට පහත හෙළා ඇති අතර, එලෙස හුවමාරුවට ලක්නොවූ බැඳුම්කර C මට්ටමේ වර්ගීකරණය කර ඇති බව ද එම ආයතනය සඳහන් කර ඇත.
මේ අතර, ශ්‍රී ලංකාව ඇතුළු ණය අර්බුදයට ලක්වූ රටවල් පිළිබඳ ගෝලීය ස්වෛරීත්ව ණය වට මේස සාකච්ඡාව ඊයේ (15දා) පැවැත්විණි. ඒ සඳහා ජාත්‍යන්තර මූල්‍ය අරමුදල, ලෝක බැංකුව සහ ජී 20 කණ්ඩායමට අයත් ලොව ප්‍රධාන ආර්ථිකයන් හිමි රටවල් එක්ව තිබිණි.
ශ්‍රී ලංකාවට ලබා දෙන ඩොලර් බිලියන 03ක විස්තීරණ ණය මුදලේ පළමු සමාලෝචනය ජාත්‍යන්තර මූල්‍ය අරමුදලේ නියෝජිත පිරිසක් සමග පෙරේදා (14 දා) ආරම්භ විය. ණය පැහැරහැරීමට ලක්වූ රටවල දේශීය ණය ප්‍රතිව්‍යුහගතකරණ මෙරට දේශීය ණය ප්‍රතිව්‍යුහගතකරණ ක්‍රියාවලියට අදාළව භාරකාර අරමුදල් ඇතුළු දේශීය බැඳුම්කර හිමියන් සතු බැඳුම්කර හුවමාරුව අවසන් කළ බව මහ බැංකුව පසුගිය දා (14 දා) නිවේදනය කළේය.
රොයිටර් පුවත් සේවය වාර්තා කර ඇත්තේ ණය ප්‍රතිව්‍යුහගතකරණයට අදාළ ජාත්‍යන්තර බැඳුම්කර හිමියන් සමග පවත්වන සාකච්ඡාවලදී දේශීය බැංකු සහ රාජ්‍ය ව්‍යවසායන්හි බැඳුම්කර හිමියන්ගේ දායකත්වය පිළිබඳ පොදු එකඟතාවක් ඇතිකර ගැනීමට උත්සාහ කරනු ඇති බවයි.
ශ්‍යාම් නුවන් ගනේවත්ත
]]>