පසුගිය 13 වැනිදා ව්‍යාජ ගමන් බලපත්‍රයකින් ශ්‍රී ලංකාවට පැමිණි අවස්ථාවේදී කටුනායක ගුවන්තොටුපළේදී අත්අඩංගුවට ගත් සිය සේවාදායකයා මේ වනවිට වීරඟුල පොලිස් ස්ථානයේ රඳවා සිටින බවත් පරික්‍ෂණ පවත්වන මුවාවෙන් නිරතුරුවම පිටතට රැගෙන යෑම නිසා ඔහුගේ ජීවිතයට දැඩි තර්ජනයක් එල්ල වී ඇති බවත් පෙන්වා දෙමින් ජ්‍යෙෂ්ඨ නීතිඥ ලක්ෂ්මන් පෙරේරා මහතා කළ කරුණු දැක්වීම සලකා බැලූ විනිසුරුවරයා එම නියෝගය කළේය. අධිකරණය ඔහු ඇප මත මුදාහැරියේ ඔහුට එරෙහිව පොලිසිය විසින් ඉදිරිපත් කළ චෝදනා බැලූ බැල්මට ඔප්පු කිරීමට තරම් ප්‍රමාණවත් සාක්‍ෂි නොමැතිකම මෙන්ම පොලිසිය කියනා තරම් ඒවා බරපතළ චෝදනා නොවන නිසා බව අධිකරණයට පෙන්වා දුන් ජ්‍යෙෂ්ඨ නීතිඥවරයා අධිකරණයක් හමුවේ එකී චෝදනා සාධාරණ සැකයෙන් තොරව ඔප්පු වනතෙක් නිර්දෝෂිභාවයේ පූර්ව නිගමනය අනෙකුන්ට මෙන්ම සිය සේවාදායකයාට ඇතැයි ිද පැවසීය.
නීතිඥ නිසංසලා දිසානායක, දිනේෂ් ගොඩගම යන නීතිඥවරුන් සමග ජ්‍යෙෂ්ඨ නීතිඥ ලක්ෂ්මන් පෙරේරා මහතා එම සැකකරු වෙනුවෙන් පෙනී සිටියේය.
ඒ. ජේ. ඒ අබේනායක, මිනුවන්ගොඩ ටෝනි කරුණානායක
]]>කලක් බන්ධනාගාරගතව සිටි ගණේමුල්ලේ සංජීව ඉකුත් 2021 වර්ෂයේදී ඇප මත මුදා හැරීමෙන් පසු හොර රහසේම විදෙස්ගත වූ අතර එසේ විදෙස්ගත වීමෙන් පසු වසර 2ක් තුළ මිනිස් ඝාතන 17ක් සිදුකර ඇති බව අනාවරණය වී තිබේ.
මිනිස් ඝාතනවලට අමතරව මහා පරිමාණ මත්ද්‍රව්‍ය ජාවාරම්, කප්පම් ගැනීම්, මංකොල්ලකෑම් ඇතුළු විවිධ අපරාධ රාශියක් සිදුකර ඇති බවද පොලිසිය පවසයි.
මෙම පාතාල නායකයා සිදුකර ඇති මිනිස් ඝාතන ඇතුළු අපරාධ සම්බන්ධයෙන් පොලිසිය වෙනම විමර්ශනයක් ආරම්භ කර ඇත. ව්‍යාජ විදෙස් ගමන් බලපත්‍රයකින් මෙරටට ඇතුළුවීමට උත්සාහ කිරීමේදී ගණේමුල්ලේ සංජීව කටුනායක ගුවන්තොටුපළේදී අත්අඩංගුවට පත් විය.
හේමන්ත රන්දුණු
]]>