අවුරුදු කාලය ළංවෙත්ම ජන සංගීතය වටින් පිටින් අපිට අහන්න ලැබෙනව. මේ ජනසංගීතය හා බැඳුන සුවිශේෂීම නාමය වෙන්නෙ ලයනල් රංවලයන් විසින් ආරම්භ කළ රංවල බළකාය. අද එතුමංගේ පුත් සහන් රංවල අපිත් එක්ක එකතු වෙන්නෙ රංවල බළකායේ අලුත් අවුරුදු සූදානම කොහොමද කියල කතාබහ කරන්න.

අවුරුදු සමරන්න රංවල බළකායේ සූදානම මොන වගේද?

කොවිඩි වලින් පස්සෙ රටේ ජනතාව මෙවර අවුරුදු සමරන්න වැඩි උනන්දුවක් දක්වන බව අපිට ලැබෙන අරාධනාවලින් දකින්න ලැබෙනවා. කොළඹ වගේම දුරබැහැර ප්‍රදේශවලත් වැඩකටයුතු ගණනාවකට අපි සහභාගි වෙනව. අදත් අපේ ගම අවුලක්‍ඳ්ක්‍ඳං සංදර්ශනයක් දෙණියාය ජාතික පාසලේ දී පැවැත් වෙනවා. ඊට අමතරව අවුරුද්දෙන් පස්සෙ විදෙස් සංචාරයකටත් ආරාධනයක් ලැබිල තියෙනව. ඒ වගේම රූපවාහිනී වැඩසටහන් ගණනාවකටත් සහභාගී වෙන්න සූදානමින් ඉන්නව.

ගිය වසර සහ මේ වසර සංසන්දනය කළොත්?

ගිය වසරෙ අලුත් අවුරුද්ද දවසෙ අපි හිටියෙ බංග්ලාදේශයේ. මෙවර මම පෞද්ගලිකව කල්පනා කළා අවුරුදු කිහිපයක්ම ගෙදර අයත් එක්ක චාරිත්‍ර වාරිත්‍ර කරන්න බැරි වුණ නිසා මෙවර අපි සජීවී වැඩසටහන්වලට සහභාගි වෙන්නෙ නැතිව පවුලේ අයත් එක්ක ඒ කටයුතු කරනව කියල. කොහොමත් අවුරුදු දෙකතුනකට වතාවක් මම ඒ දේ කරනව.

රංවල බළකායේ වැඩකටයුතු මොන වගේද?

අපේ කණ්ඩායට කොළඹ” ගම්පහ මූලික කරගෙන පවත්වාගෙන ආපු කටයුතු මේ වනවිට මාතර” මාතලේ සහ මහනුවර යන නගරවල අපේ ශාඛා ආරම්භ කරල තියෙනව. ඇත්තටම ලොකු උනන්දුවකින් ඒවාට සහභාගි වන දරුවෝ තරුණියෝ අපිට දකින්න ලැබෙනව. ඒ වගේම අපේ නිර්මාණශීලි වැඩකටයුතු වලටත් අපි ඒ අයව සහභාගි කරගන්නවා. මගේ තාත්තගෙ ගෝලයෝ මේ වැඩසටහන් මෙහෙයවමින් කටයුතු කරනව.

අලුත් නිර්මාණ?

පසුගිය දවස්වල අලුත් නිර්මාණ කිහිපයක්ම එළිදක්වන්න අපි කටයුතු කළා. එකක් අමන්ද්‍යා උත්පලීගෙ ‘රැජිනට ඇන්දා. ගීතය. ඇමරිකාවේ පදිංචි නවක ගායන ශිල්පිනියක් වන සුමුදු ජයනි වෙනුවෙන් අපි නිර්මාණය කළා ‘බෑදිය. කියන ගීතය. ඒ වගේම ඇය කමල් අද්දරආරච්චි සමග ‘හන්තාන සිනමාපටය. කියන ගීතය ගායනා කරනව. අලුත් අවුරුද්ද ගැන කතා කළාට අපි අවුරුද්ද වෙනුවෙන් අවුරුදු දහයකින් ගීතයක් නිර්මාණය කරල නැහැ. මෙවර ආරාධනයක් ලැබෙනව කෝකිලා අධිකාරි ගායන ශිල්පිනිය වෙනුවෙන් ගීතයක් නිර්මාණය කරන්න කියල. ඇය වෙනුවෙන් නිර්මාණය කළ ගීතයට රූප රචනාවකුත් කළා.

වසර දහයකට පස්සෙ නිර්මාණය වෙන්නෙත් ඔබේ කණ්ඩායමේ ගීතයක් නෙමෙයි?

ඇත්තට ම අලුත් අවුරුදු මාතෘකාවෙන් වසර දහයකින් අපේ කණ්ඩායමෙන් ගීතයක් නිර්මාණය වුණේ නැහැ.

අවුරුද්ද අලුත් වුණත් සහන්ගෙ වැඩ අලුත් වෙන්නෙ නැද්ද?

අපි සින්දු කරන්නෙ විවිධ මාතෘකා යටතේ. එක මාතෘකාවක් ජනප්‍රිය වුණා කියල අපි ඒක වගේ තව එකක් කරන්නෙ නැහැ. නමුත් අවුරුද්ද කියන මාතෘකාව යටතේ ගීත ගණනාවක් කරල තියෙනව. එකම මාතෘකාව යටතේ නිර්මාණ කරනකොට එක තැනකදි අපි හිරවෙනව කියල මට හිතෙනව. නමුත් අවුරුද්දට පාවිච්චි කරන්න පුළුවන් අවුරුද්ද මාතෘකාව නොවන දේශීය මාතෘකා තියෙන ගීත රාශියක් අපි ළඟ තියෙනව. ඒවා මෙවර අවුරුදු වැඩසටහන්වලින් දැකගන්න පුළුවන්.

අපේකම අපේ දේට තරුණ පරපුරේ නැඹුරුව මොන වගේද?

ඇත්තටම මට දකින්න ලැබෙන්නෙ බොහොම හොඳ තත්ත්වයක්. විශේෂයෙන්ම කියන්න ඕන” විදෙස් රටවල තරුණ තරුණියන්ට ලංකාවේ දේවල් පිළිබඳව ලොකු උනන්දුවක් තියෙනව. ඒ වගේම නවක ගායන ශිල්පීන් සහ ශිල්පිනියන්ටත් ලොකු උනන්දුවක් තියෙනව ජන ගී ඇසුරෙන් තමන්ගේ ගීත නිර්මාණය කරගන්න.

දේශීය දේට මාධ්‍යයෙන් ලැබෙන ඉඩකඩ ගැන සෑහීමකට පත්වෙනවද?

මාධ්‍ය තවමත් ඉන්නෙ පැරණි යුගයක. සමහර මාධ්‍ය හිතාගෙන ඉන්නව අසූගණන්වල වගේ බටහිර දේම තමයි අපි කරන්න ඕන කියල. නමුත් මේ වනවිට ලෝකයේ බොහෝ රටවල් තමන්ගේ අනන්‍යතාවක් එක්ක ඉදිරියට යන්න පටන්ගෙන තියෙනව. ලෝකය මෙහෙම වෙනකොට අපි විතරක් වෙන රටවල් වගේ වෙන්න හදන එක ඒ තරම් ප්‍රායෝගික නැහැ. උදාහරණයක් විදිහට ගත්තොත් කෝකෙ කාට හරි බටහිර සංගීතය රසවිඳින්න ඕන වුණොත් ඒකට ලංකාවෙන් ගායකයො ගෙනියන්නෙ නැහැ. ඒ වෙනුවෙන් ඒ ඒ රටවල ඕන තරම් ශිල්පීන් ඉන්නව. ඒ නිසා අපි අපේ දේ දියුණුකර ගන්න එකයි කරන්න ඕන. ඒ වෙනුවෙන් මාධ්‍යයටත් යම් කිසි වගකීමක් තියෙනව කියල මම හිතනවා.

මේ වෙනුවෙන් රංවල පදනමේ සැලසුම් මොන වගේද?

අපි 2019 අගභාගයේ ලංකා රිද්ම කියල දසවැදෑරුම් වැඩපිළිවෙළක් හැදුව. ඒකෙන් කියවුණේ 2030 වනවිට ලංකාවේ රිද්මය කොතැනට ද ගේන්න ඕන කියන දේ. ඒක අපි අදාළ පාර්ශ්වයන්ට ලබා දුන්නා. එයාලත් බොහොම කැමැත්තෙන් ඒකට දායක වුණත් 2020 මුල වෙනකොට කොවිඩ් එක්ක ලෝකයම අතරමං වුණා. ඒකත් එක්ක අපි වෙනත් පැත්තකින් ඒ වැඩපිළිවෙළ ආරම්භ කළා. මවු කුසේ පටන් දරුවකුට අපේ රිද්මය දෙන්නෙ කොහොමද කියන දේ මෙතැනදි කතා වෙනව. ඒ වගේම විදෙස් රටවල ඉන්න අපේ රටේ ළමයි වෙනුවෙන් ‘හෙළ සුවඳයි අපේ ළමයි. කියන වැඩසටහන ආරම්භ කළා. ඔක්තෝබර් පළමුවැනිදා ළමා දිනය වෙනුවෙන් විදෙස්ගතවෙලා ඉන්න අපේ රටේ දරුවන් නැවතත් එකතු කරන්න අපි බලාපොරොත්තු වෙනව. දැනට අවුරුදු දෙකකට පෙර අපි ආරම්භ කළා ඔන්ලයින් මගින් අපේ දේවල් ඉගෙනගන්න පුළුවන් වැඩසටහනක්. මේකට ලෝකයේ විවිධ රටවල ජීවත් වන අපේ දරුවන් එකතුවෙලා ඉන්නව.

මහේෂ් එදිරිසිංහ

ලයනල් රන්වලයන් පෙන්වා දුන් මග ඔස්සේ යමින් රන්වල පදනම රන්වල බළකාය සහ රන්වල මතු පරපුර සංවිධාන එකමුතුව මෙහෙයවීමෙන් මෙම මස 26 සහ 27 දෙදින අළලා සිදුකෙරෙන දැවැන්ත වැඩසටහන් මාලාවක් ද පැවැත්වේ.

දේශීයත්වයට මුල් තැන දෙමින් සිදුකෙරෙන මෙම විසල් යුග මෙහෙවර පිළිබඳව රන්වල ශූරීන්ගේ පුත් රන්වල පදනමේ මෙහෙයුම් අධ්‍යක්ෂ සහන් රන්වල අප සමඟ පිළිසඳරකට එක්විය.

ලයනල් රන්වලගේ පුතා විදියට මම කරන්නේ නොවැම්බර් 13 වෙනිදට අපේ පවුලේ අයත් එක්ක එකතුවෙලා දානමාන පිංකම් පුන්‍යකර්ම ආදිය කිරීමයි. හැබැයි අපි රන්වල පදනම විදියට සහ පදනමේ සාමාජිකයෙක් විදියට පදනමේ අනෙක් අයත් එක්ක එකතුවෙලා ගොඩක් වැඩකටයුතු අපි මේ 20වෙනි ගුණ සැමරුමත් එක්ක සංවිධානය කරලා තියෙනවා. අපි කල්පනා කළා තාත්තා ඉගෙන ගත්ත පාසල්වල සහ තාත්තා ඉගැන්වූ පාසල්වල දැනට ඉගෙන ගන්න ළමයින්ට යම්කිසි වැඩකටයුත්තක් නොමිලේ කරන්න ඕන කියලා. අපි පාසල් එක්ක කතා කරලා ඒ අයගේ අවශ්‍යතාවයන්ට අනුව ඒ පාසල්වලින් කරපු ඉල්ලීම්වලට අනුව දේශන, වැඩමුළු වගේ දේවල් කරන්න දැනට සංවිධානය කරනවා. එහෙම පාසල් නවයකම සංවිධාන කටයුතු කරනවා.

ඒත් එක්කම තාත්තා කියන්න ඕනේ තාත්තා මුලින්ම වාර්තා වැඩසටහනක් ආරම්භ කළා රජයේ ප්‍රවෘත්ති දෙපාර්තමේන්තුවත් එක්ක. ඒ නිසා ඉන් අනතුරුව අපි අප්‍රකට ජන ගී 20ක් කරන්නත් කල්පනා කළා. ඒගස් නාලිකාව, ස්වර්ණ ටී.වී., ලංකාරේ රේඩියෝ වෙබ් චැනලය සහ රන්ගිරි ශ්‍රී ලංකා ගුවන්විදුලි නාලිකාව හරහා ඒ වැඩකටයුත්ත කරන්න තමයි අපි සැලසුම් කරලා තියෙන්නේ. අපි මේ වැඩ 20 නම් කරලා තියෙන්නේ රන් සළකුණු 20යි 20 කියලා. ඒ අවුරුදු 20ක් රන් වැඩ 20ක් කියලා. ඒත් එක්කම තවත් විශේෂ දෙයක් අපි කරනවා ලයනල් රන්වලයන් සහ රන්වල බළකාය නිර්මාණය කරපු ගීත ඇසුරෙන් චිත්‍ර අඳින වැඩසටහනක් කරලා චිත්‍ර ප්‍රදර්ශනයක් කරන්නත් අපි බලාපොරොත්තු වෙනවා. තවත් සුවිශේෂීම දෙයක් තමයි අපි අලුත්ම ප්‍රසංගයක් ආරම්භ කරනවා අපේ ගීත ඇසුරෙන් ජීවන විග්‍රහයක් පිළිබඳව. ඉතිං නොවැම්බර් 27 වෙනිදාට ඒ සංදර්ශනයත් පවත්වන්නට අපි බලාපොරොත්තු වෙනවා. ඒ වගේම කියන්නත් ඕනේ ලයනල් රන්වල මගේ පියාට තිබුණ දැනුම, පෞර්ෂය, අත්දැකීම් කිසිවක් අපි සතුව නැහැ. හැබැයි එතුමා අපිට පෙන්වපු මගක යන්න අවශ්‍යතාවයක් අපට තියෙනවා. ඒ සඳහා අවශ්‍ය ශක්තියත් අපට තියෙනවා. ඉතිං අපි මේ උත්සහ කරන්නේ එතුමා හා සම වෙන්න නෙවෙයි. එතුමා පෙන්වපු මඟ යමින්, අපිටම කියලා සංගීතයක් බිහි කරන්න තමයි අපි උත්සහ කරන්නේ.

● පාරමී කෞෂිකා