සන්නද්ධ පාතාල කණ්ඩායම් විසින් ගතවූ මාස 09 ක කාලසීමාව තුළදී පුද්ගලයන් 49 දෙනකු වෙඩි තබා ඝාතනය කර ඇත. පාතාල සන්නද්ධ කණ්ඩායම් විසින් දිනපතාම පාහේ සිදු කරන මෙම මිනිස් ඝාතන නිසා දකුණු සහ බස්නාහිර පළාත්වල ජනතාව දැඩි භීතියට පත්ව සිටිති.
මෙතෙක් වාර්තා වී ඇති පාතාල මිනිස් ඝාතනවලින් වැඩි ප්රමාණයක් දකුණු හා බස්නාහිර පළාත්වලින් වාර්තා වී ඇති අතර මේ වන විට ගාල්ල, මාතර, ඇල්පිටිය, රත්ගම යන ප්රදේශ ගණනාවක ජනතාව රාත්රී කාලයේ නිවෙස්වලින් පිටතට නොයන තත්ත්වයකට පත්ව ඇත.
කොස්ගොඩ සුජීගේ සහ රත්ගම විදුරගේ පාතාල කණ්ඩායම් දෙක එකිනෙකා මරා ගැනීම ආරම්භ කිරීමත් සමගම දකුණු පළාත පාතාල භීතියෙන් සලිත වී ඇත.
රාජ්ය ඇමැති ඩී. වී. චානකගේ මාමණ්ඩිය ඝාතනය කිරීම ඇතුළු මිනිස් ඝාතන ගණනාවක් කොස්ගොඩ සුජීගේ කල්ලිය විසින් සිදුකර ඇති අතර ඊට පලිගැනීමක් ලෙස රත්ගම විදුරගේ කල්ලියේ සාමාජිකයන් මේ වනවිට මිනිස් ඝාතන රැසක් සිදුකර ඇත. කොස්ගොඩ සුජී ඩුබායි රාජ්යයේ සැඟවී සිටිමින් සිය පාතාල කල්ලිය මෙහෙයවන අතර රත්ගම විදුර ඉතාලියේ සැඟවී සිට සිය කල්ලිය මෙහෙයවයි.
දකුණේ ප්රබල පතාල අපරාධකරුවන් දෙදෙනකු වන කරන්දෙනිය සුද්දා සහ පොඩි ලැසී අත්අඩංගුවට ගනිමින් ඔවුන්ගේ කල්ලි අඩපණ කිරීමට ක්රියාකළ අම්බලංගොඩ පොලිසියේ අපරාධ අංශයේ හිටපු ස්ථානාධිපතිවරයා වූ පොලිස් පරීක්ෂක බාලේන්ද්ර, රත්ගමදී පෙරේදා (9 දා) යතුරු පැදියකින් ආ සන්නද්ධ පුද්ගලයන් අතින් ඝාතනයට ලක්වන්නේ ද මෙම පාතාල කල්ලි දෙකෙන් එක් කල්ලියක් අතින් බව හෙළිවී තිබේ.
එහිදී ඔහුගේ සහෝදරයාට ද වෙඩි වැදී තුවාල සිදුව තිබේ. ඔහු නඩුවකට ගොස් ආපසු එමින් සිටියදී ඝාතනයට ලක්විය. පාතාල සන්නද්ධ කණ්ඩායම් විසින් ගතවූ මාස 9 තුළ සිදුකළ වෙඩි තැබීමේ සිද්ධීන් 95 ක් වාර්තා වී ඇත. එම සිද්ධීන්වලදී පුද්ගලයන් 46 දෙනකු බරපතළ තුවාල ලබා ඇත.
එම ඝාතනවලින් දකුණු පළාත තුළ පුද්ගලයන් 17 දෙනකු ද, බස්නාහිර පළාත තුළ පුද්ගලයන් 18 දෙනකු ද සබරගමුව පළාතේ 3 දෙනකු ද උතුරු මැද පළාතේ 3 දෙනකු ද වාර්තා වී ඇත.
හේමන්ත රන්දුණු
]]>හපුතලේ අයිස්පීල්ල ප්රදේශයේ හෝටලයකට පෙරේදා (22 දා) රාත්රී කඩාවැදුණු සන්නද්ධ කණ්ඩායමක් ගන්දර මිනිස් ඝාතන නඩුවක ප්රධාන සාක්ෂිකරුවකුට වෙඩි තබා ඝාතනය කර පලාගොස් ඇත.
ගන්දර මිනිස් ඝාතන සිද්ධියට සම්බන්ධ සංවිධානාත්මක කල්ලිය විසින් මෙම මිනීමැරුම සිදු කරන්නට ඇති බවට පොලිසිය සැක පහල කරයි.
මෙහිදී ඝාතනයට ලක්ව ඇත්තේ මාතර, දෙවුන්දර, කිරලවැල්ල ප්රදේශයේ පදිංචිකරුවකු වන 42 හැවිරිදි අජිත් ප්රසන්න සෙනෙවිරත්න නමැති අයෙකි.
මීට මාස කීපයකට උඩදී ගන්දර ප්රදේශයේ පැවැති මංගල උත්සවයකදී සංවිධානාත්මක කණ්ඩායමක් විසින් 19 හැවිරිදි තරුණයකු කපා කොට සාහසික අන්දමින් ඝාතනය කර තිබිණි.
එම ඝාතනය සම්බන්ධයෙන් පුද්ගලයන් 06 දෙනකු අත්අඩංගුවට ගත් අතර ඔවූහු මේ වනවිට බන්ධනාගාරගත කරනු ලැබ සිටිති.
මෙම ඝාතන සිද්ධිය සම්බන්ධ නඩුව අධිකරණයේ විභාග වෙමින් තිබෙන අතර හපුතලේදී පෙරේදා මරා දැමුණු අජිත් ප්රසන්න මෙම ඝාතන නඩුවේ ප්රධාන සාක්ෂිකරු විය. මෙම ඝාතන නඩුවේ සාක්ෂි ලබාදීමට ඉදිරිපත් වීම නිසා අජිත් ප්රසන්නට දිගින් දිගටම මරණීය තර්ජන එල්ල වූ අතර අධිකරණය ඔහුට විශේෂ ආරක්ෂාවක් ලබාදෙන ලෙස ද පොලිසිය වෙත නියෝගයක් කර තිබිණි.
එම ආරක්ෂාව ඔහුට ලබාදීමට නියමිතව තිබුණේ ගන්දර ප්රදේශයේදී පමණක් බව පොලිසිය පවසයි.
තත්ත්වය මෙසේ තිබියදී අජිත් ප්රසන්න මීට දින කීපයකට උඩදී හපුතලේ ප්රදේශයේ හෝටලයක නවාතැන් ගැනීමට ගොස් සිටියේය.
පෙරේදා රාත්රී 9.30 ට පමණ පස්දෙනකුගෙන් සමන්විත මැර පිරිසක් එම හෝටලයට කඩාවැදී තිබේ. ඒ වනවිට අජිත් ප්රසන්න සහ හෝටලයේ හිමිකරු කතා කරමින් සිට ඇත.
එහිදී සංවිධානාත්මක කණ්ඩායම, අජිත් ප්රසන්න ඉල්කක කර වෙඩි ප්රහාර 22 ක් එල්ල කර තිබේ. ප්රහාරයෙන් අජිත් ප්රසන්න සිද්ධිය වූ ස්ථානයේදීම මියගිය අතර හෝටල් හිමියා ද වෙඩි ප්රහාරවලට ලක්ව බරපතළ තුවාල ලැබීය.
තුවාලකරු දියතලාව රෝහලට ඇතුළත් කර තිබේ.
ප්රහාරයට පැමිණි සැකකරුවන් කිසිවකු මෙතෙක් හඳුනාගෙන නැත.
හපුතලේ පොලිසිය විමර්ශන පවත්වාගෙන යයි.
හේමන්ත රන්දුණු, හපුතලේ – බුවනෙක