ශ්රී ලංකාවේ සංහිඳියා ක්රියාවලියට සහ ප්රතිසන්ධානය සඳහා කටයුතු කිරීමට වත්මන් රජය ගෙන යන වැඩපිළිවෙළ ඉන්දීය රජයේ ඇගයීමට ලක්ව ඇත. ජනාධිපති රනිල් වික්රමසිංහ මහතා ඉකුත් 20 සහ 21 යන දිනවල ඉන්දියාවේ සිදු කළ නිල සංචාරයේ දී එරට අග්රාමාත්ය නරේන්ද්ර මෝදි මහතා නවදිල්ලි නුවර හයිද්රාබාද් මන්දිරයේ දී හමුවූ අවස්ථාවේ දී සංහිඳියා ක්රියාවලිය සහ ප්රතිසන්ධාන වැඩපිළිවෙළ සම්බන්ධයෙන් ජනාධිපතිවරයා ඉන්දීය අග්රාමාත්යවරයාට කළ පැහැදිලි කිරීමේ දී මෙලෙස ඇගයීමට ලක්ව තිබේ.
එහිදී ජනාධිපතිවරයා ප්රතිසන්ධානය සහ බලය බෙදීම සඳහා වූ පුළුල් සැලැස්මක් සහිතව සියලු පක්ෂ නායකයන්ට පොදු එකඟතාවකට පැමිණෙන ලෙස ආරාධනා කළ බව ඉන්දීය අග්රාමාත්යවරයාට පවසා ඇත.
එම ආරාධනය ඉන්දීය අග්රාමාත්යවරයාගේ ඇගයීමට ලක්ව තිබේ.
ශ්රී ලංකාවේ සැමට ආර්ථික පුනර්ජීවනය, තිරසාර සංවර්ධනය සහ යුක්තිය සාක්ෂාත් කර ගැනීම සඳහා වූ තම කැපවීම ජනාධිපතිවරයා පැහැදිලි කර ඇත.
දෙරට අතර අන්යොන්ය ආර්ථික සබඳතා කෙරෙහි ද අවධානය යොමු කර ඇති අතර අනාගත ඉන්දු ලංකා ආර්ථික හවුල්කාරීත්වයක වැදගත්කම සම්බන්ධයෙන් ද සාකච්ඡා කර තිබේ.
දෙරට අතර පවතින ඓතිහාසික, සංස්කෘතික බැඳීම ඉදිරියේ දී තවදුරටත් ශක්තිමත් කර ගැනීම, ඉන්දීය සහාය ඇතිව ත්රිකුණාමලය බලශක්ති කේන්ද්රස්ථානයක් බවට සංවර්ධනය කිරීම, කර්මාන්ත හා ආර්ථික කටයුතු සඳහා මධ්යස්ථානයක් බවට පත් කිරීම පිළිබඳව ද මෙහිදී සාකච්ඡා කර ඇත.
ඉන්දියාවේ දකුණු ප්රදේශයේ සිට ශ්රී ලංකාව දක්වා බහු නිෂ්පාදන, ඛනිජ නළ මාර්ගයක් ඉදිකිරීම, හරිත සහ පුනර්ජනනීය බලශක්ති ව්යාපෘති මත පදනම් වූ ඉන්දු ලංකා සබඳතා ශක්තිමත් කිරීම, දෙරට අතර ද්විමාර්ගික විදුලිබල වෙළෙඳාම සහ කලාපීය ස්ථිරසාර සංවර්ධනය මත පදනම් වූ ආර්ථික සහයෝගීතාවක් වෙනුවෙන් පහසුකම් සැලසීම, තලෙයිමන්නාරම රාමේෂ්වරම් සහ නාගපට්ටිනම්, කන්කසන්තුරෙයි අතර මගී ප්රවාහන බෝට්ටු සේවාව ආරම්භ කිරීම දෙරට අතර නාවික ගමනාගමනය තවදුරටත් ශක්තිමත් කිරීම ආදී කරුණු සම්බන්ධයෙන් ද මෙහිදී අවධානය යොමු කර ඇතැයි ජනාධිපති මාධ්ය අංශය සඳහන් කරයි.
උපාලි ද සේරම්
]]>උතුරු පළාත් සභාවට ඉඩම් හෝ පොලිස් බලතල ලබාදීමට රජය තීරණය කර ඇතැයි රජයේ ඉහළ පෙළේ ආරංචි මාර්ග ‘දිවයින ඉරිදා සංග්රහය’ට පැවසීය.
ඒ සඳහා මේ වන විට පළාත් සභා මහ ඇමැතිවරුන් විසින් ඉදිරිපත් කර ඇති යෝජනා ඇතුළත් වාර්තා අධ්යයනය කරමින් සිටින බවද එම ආරංචි මාර්ග සඳහන් කළේය.
උතුරු පළාත් සභාව සම්බන්ධව සාකච්ඡා කිරීම සඳහා දෙමළ ජාතික සන්ධානයේ (TNA) පාර්ලිමේන්තු මන්ත්රීවරුන් ඉන්දීය අග්රාමාත්ය නරේන්ද්ර මෝදි මහතා හමුවීමට සූදානම් වීම සම්බන්ධව කළ විමසීමේදී රජයේ ඉහළ පෙළේ ප්රකාශකයකු පැවසුවේ එහි කිසිදු ගැටලුවක් නැති බවය. ඕනෑම පුද්ගලයකුට ඉන්දීය අග්රාමාත්යවරයා හමුවිය හැකි බවත් ඒ සම්බන්ධව රජයේ කිසිදු විරෝධයක් නැති බවත් ඔහු කීවේය.
ජනාධිපති රනිල් වික්රමසිංහ මහතා ද ඉදිරියේදී සිදුකරන බ්රිතාන්ය සංචාරයෙන් පසු ඉන්දීය අග්රාමාත්යවරයා හමුවීමට නියමිත බවද එම ප්රකාශකයා වැඩිදුරටත් සඳහන් කළේය.
උපාලි ද සේරම්
]]>එහිදී නවදිල්ලි නුවර දී ඉන්දීය අගමැති නරේන්ද්ර මෝදි මහතා සහ තවත් රාජ්ය නායකයන් කීපදෙනකු හමුවී ශ්රී ලංකාවේ උතුරු නැගෙනහිර අර්බුදයට විසඳුමක් ඉල්ලා සිටින බව දෙමළ ජාතික සන්ධානයේ මන්ත්රීවරු ප්රකාශ කරති. ජනාධිපති රනිල් වික්රමසිංහ මහතා ද ඉන්දියාවේ නිල සංචාරයක නිරත වන බව ප්රකාශ කර ඇතැයි පැවසූ දෙමළ ජාතික සන්ධනය තම නියෝජිතයන් ඊට පෙර නවදිල්ලි නුවරට යන බව ද සඳහන් කරයි. මීට පෙර දෙමළ ජාතික සන්ධානය ඉන්දීය අගමැතිවරයා හමු වීමට අපේක්ෂා කළ නමුත් එම සංචාරය අවලංගු කිරීමට සිදු වූ බව ද දෙමළ ජාතික සන්ධානය වැඩි දුරටත් කියා සිටියි.
දිනසේන රතුගමගේ
]]>