මේ වන විට මාවුස්සාකැලේ ජලාශයේ ජල මට්ටම පිටාර මට්ටමේ සිටි අඩි 53 ක් පමණ පහත බැස ඇති බව එම ජලාශය භාර විදුලි ඉංජිනේරුවෝ පැවසූහ.
ජාතික ජල විදුලි බල පද්ධතියට අයත්, ලක්ෂපාන, නව ලක්ෂපාන, පොල්පිටිය, කැනියෝන් හා විමලසුරේන්ද්‍ර යන විදුලි බලාගාර 05 සඳහා ප්‍රධාන වශයෙන් ජලය සැපයෙන්නේ මාවුස්සාකැලේ හා කාසල්රි යන ජලාශ දෙකෙනි.
ජලය බැස යාමත් සමග මාවුස්සාකැලේ ජාලාශයට යටවී තිබූ පැරණි මස්කෙළිය නඟරයේ ආගමික ස්ථාන නටඹුන් අතරින් ශ්‍රී කදිරේෂණ හින්දු කෝවිල මේ වන විට සම්පූර්ණයෙන් ගොඩ වී ඇති අයුරු දක්නට ලැබේ.
ජලාශයට යටව තිබූ අනෙකුත් ආගමික ස්ථානවල නටඹුන් අතරින් බෞද්ධ විහාරස්ථානයේ සමාධි පිළිමය, බෝධිගරය හා ඉස්ලාම් දේවස්ථානයේ අඩක් මේ වන විට ජලයෙන් මතුව තිබේ.
මස්කෙළිය – ගාමිණී බණ්ඩාර ඉලංගන්තිලක
]]>