ඒ අනුව ක්‍රියාත්මක කෙරෙන අවසන් පූර්ව වටයේ පළමු තරගය ඔස්‌ට්‍රේලියාව සහ ජර්මනිය අතර ද දෙවන අවසන් පූර්ව තරගය බෙල්ජියම සහ නෙදර්ලන්තය අතර ද අද (27දා) සවස පැවැත්වේ.

රටවල් 16 ක සහභාගිත්වයෙන් ඉකුත් 13 දින ආරම්භ කරන ලද මෙවර ලෝක කුසලාන තරගාවලියේ ශූරයන් තීරණය කෙරෙන අවසාන මහා තරගය ඉරිදා (29දා) පැවැත්වේ.

මෙවර අර්ධ අවසාන පූර්ව වටයේ දී නවසීලන්තය ගෝල් 02 – 00 කින් පරදා බෙල්ජියම ද දකුණු කොරියාව ගෝල් 05 – 01 කින් පරදා නෙදර්ලන්තය ද එංගලන්තය ගෝල් 06 – 05 කින් පරදා ජර්මනිය ද ස්පාඤ්ඤය ගෝල් 04 – 03 කින් පරදා ඔස්ටේ්‍රලියාව ද ජයග්‍රහණ වාර්තා කර ගැනීමට සමත් විය. ඉන්දියාවේ බුබනේශ්වර් නුවර පිහිටි කාලිංගා ක්‍රීඩාංගණය කේන්ද්‍රකර ගනිමින් තරගාවලිය ක්‍රියාත්මක කෙරේ.

අනුරුද්ධ හේරත් බණ්ඩාර