ඇමරිකානු ජනාධිපතිවරයා විසින් පනවා ඇති තීරු බදුවලින් ලොව දුප්පත්ම සහ කුඩාම රටවල් නිදහස් කරන ලෙස එක්සත් ජාතීන්ගේ සංවිධානය ඉල්ලා තිබේ.
එක්සත් ජාතීන්ගේ සංවිධානය සඳහන් කර ඇත්තේ , එම රටවල් ආර්ථික වශයෙන් දැඩි අවදානමකට ලක්විය හැකි බවය .
ඔවුන් ඉදිරිපත් කර ඇති වාර්ථාවෙන් ඇමරිකාව අන්‍යෝන්‍ය බදු ක්‍රමයෙන් නිදහස් කළ යුතු ලොව දුප්පත්ම හා කුඩාම රටවල් 28ක් පෙන්වා දී තිබේ .
එහෙත් එම රටවල් 28ට ශ්‍රී ලංකාව ඇතුළත් ව නැත .
ඇමරිකාව ඉහළ තීරු බදු පනවා ඇති මෙම රටවල් 28 ප්‍රමාණය සහ මධ්‍යස්ථ අපනයන මට්ටම් සැලකිල්ලට ගත් විට, එම රටවලින් ඇමරිකානු ආර්ථිකයට කිසිදු තර්ජනයක් නොමැති බව එක්සත් ජාතීන්ගේ සංවිධානයේ මතයයි.
