අනුශූරතාව ගම්පහට
සමාජසේවා දෙපාර්තමේන්තුව විසින් සංවිධාන කරන ලද ආබාධිත තැනැත්තන් සඳහා වූ ජාතික ආධුනික ක්‍රීඩා තරගාවලිය 2025 පෙරේදා (03) දියගම ජාත්‍යර ක්‍රීඩාංගණයේදී පව ත්වන ලදී.
තරගාවලියේ සමස්ත ශූරතාව කිලිනොච්චි දිස්ත්‍රික්කය දිනාගත් අතර අනුශූරතාව ගම්පහ දිස්ත්‍රික්කය දිනාගන්නා ලදී.
මෙරට වෙසෙන මිලියන 1.66 ක් වූ විශේෂ අවශ්‍යතා සහිත ප්‍රජාව සෞඛ්‍යසම්පන්න, නිරෝගිමත්, ශක්තිමත් කායික හා මානසික පසුබිමකින් යුත් ප්‍රජාවක් බවට පත් කිරීමේත්, ඔවුන්ගේ ක්‍රිඩා කුසලතා හඳුනා ගනිමින් ඔවුන් ජාත්‍යන්තර මට්ටමේ ජයග්‍රහණ දක්වා ඔසවා තැබීමේත් ඉලක්ක වලින් යුත් ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැන්වීම් අමාත්‍යාංශ දැක්මට අනුව මෙම ක්‍රීඩා උළෙල සංවිධාන කෙරිණි.
ශ්‍රී ලංකා පැරාලිම්පික් කමිටුවේ නිර්දේශ හා මගපෙන්වීම් අනුව සංවිධාන කළ මෙම උත්සවයේ ජය සංකේත ප්‍රදානය ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැන්වීම් අමාත්‍ය උපාලි පන්නිල මහතාගේ ප්‍රධානත්වයෙන් සිදුකරන ලදී.
