යූටියුබ් ඔස්සේ ප්‍රචාරය වන කෙටි වීඩියෝපට මගින් සාපරාධී බියගැන්වීම් වෛරී ප්‍රකාශ සිදුවන නිසා ඉහත සඳහන් පුද්ගලයන් අත්අඩංගුවට ගෙන නීති මගින් කටයුතු කරන්නැයි කොළඹ දිස්ත්‍රික් මැතිවරණ ආරවුල් නිරාකරණය මධ්‍යස්ථානයේ ප්‍රධාන සහකාර තේරීම් භාර නිලධාරියා විසින් පොලිසියට ලියුමක් යවා තිබේ. මෙවැනි වෛරී සහ බියගැන්වීම් සහිත සාම්පල් වීඩියෝවක් ද එම ලියුමට අනුයුක්ත කර තිබේ. මේ වූ කලී ඉතා සංවේදී සමයක පැවැත්වීමට නියමිත ජනාධිපතිවරණයක පූර්ව සමයයි. වසංගතයක් පැතිරීමට පෙර වෛරස් සහ බැක්ටීරියා හැම තැනම පාවීමට පටන්ගනී. වසංගතය බෝකරනු ලබන්නේ මේ බැක්ටීරියා තොගය මගිනි. වෛරස් සහ බැක්ටීරියා ඇතිවීමට බලපාන මඩ වළවල්, හිස් පොල් කෝම්බ අපිරිසිදු ආහාර යනාදිය වහාම ඉවත් කරන ලෙස පූර්ව වසංගත සමයේදී සෞඛ්‍ය දෙපාර්තමේන්තුව විසින් ජනතාවට දන්වනු ලැබේ. ජනතාව නිවැරැදි ලෙස මොළය පාවිච්චි කර බැක්ටීරියා සහ වෛරස් එකතුවන තැන් විනාශ කළොත් වසංගතයෙන් වැළකීමට අපට පුළුවන. ජනතාව එම බැක්ටීරියා සහ වෛරස් තම ගෙවත්තේ හෝ තම වහළය මත හෝ තම නිවසේ වැහි පීලි තුළ හෝ එකතුවීමට ඉඩ හැරියොත් එයට විරුද්ධව දැඩි පියවර ගැනීමේ අයිතිය...