සැප්තැම්බර් මාසය සඳහා ජාත්‍යන්තර ක්‍රිකට් කවුන්සිලයේ ක්‍රීඩකයා බවට ශ්‍රී ලංකා ක්‍රිකට් ක්‍රීඩක කමිඳු මෙන්ඩිස් නම් කර ඇත.
ඔහු එම සම්මානය මේ වසරේ දිනා ගත් දෙවැනි අවස්ථාව මෙය වේ.
ඒ අනුව 2024 වසරේදී ICCයේ මාසයේ ක්‍රීඩකයා සම්මානය දෙවරක් දිනාගත් පළමු ක්‍රීඩකයා ද බවට ඔහු පත්ව තිබේ.
කමිඳු 2024 මාර්තු මාසයේදී ද මෙම සම්මානය දිනාගත්තේය.
ජාත්‍යන්තර ක්‍රිකට් කවුන්සිලය සදහන් කළේ කමිඳු මෙම සම්මානය දිනාගත්තේ ප්‍රභාත් ජයසූරිය සහ ඔස්ට්‍රේලියාවේ ට්‍රැවිස් හෙඩ් සමග පැවති තියුණු තරගයකින් අනතුරුව බවය.
සැප්තැම්බර් මාසයේදී කමිඳු ටෙස්ට් තරග 4කට ක්‍රීඩාකර ඇති අතර එහිදී ඔහු ලකුණු 451ක් රැස්කර තිබුණි.එහි සාමාන්‍ය සඳහන් වන්නේ සියයට 90.20ක් ලෙසටය.
