වාණිජ බැංකු විසින් ගිය වසරේ (2024) පෞද්ගලික අංශය වෙත ලබා දුන් සමස්ත ණය ප්‍රමාණය කලින් වසරවලට වඩා රු. බිලියන 790 කින් වර්ධනය වී ඇත.
එසේම මේ වසරේ (2025) දී ද වාණිජ බැංකු විසින් පෞද්ගලික අංශය වෙත ලබා දෙන ණය වර්ධනය අඛණ්ඩව ඉහළ යනු ඇතැයි මහ බැංකුව අපේක්ෂා කරයි.
2024 වසරේ අවසන් වරට මුදල් ප්‍රතිපත්තිය තවදුරටත් ලිහිල් කිරීමත් සමග කෙටිකාලීන මුදල් වෙළෙඳපොළ පොලී අනුපාතික අඩු වූ අතර ලිහිල් මුදල් ප්‍රතිපත්ති ස්ථාවරය පිළිබිඹු කරමින් වෙළෙඳපොළ ණය සහ තැන්පතු පොලී අනුපාතික ද අඛණ්ඩව පහළ ගියේය.
අඩු වෙළෙඳපොළ ණය පොලී අනුපාතික මගින් සහාය ලබමින් සහ ආර්ථික ක්‍රියාකාරකම් යථා තත්ත්වයට පත්වීම පිළිබිඹු කරමින්, බලපත්‍රලාභී වාණිජ බැංකු විසින් පෞද්ගලික අංශය වෙත ලබා දුන් ණය වර්ධනය මෙසේ අඛණ්ඩව ඉහළ ගොස් ඇත.
ශ්‍යාම් නුවන් ගනේවත්ත
