බූස්ස අධිආරක්ෂිත බන්ධනාගාරයේ සිරමැදිරියක රඳවා සිටි රැඳවියකුට එම සිරමැදිරියේ රඳවා සිටි තවත් රැඳවියකු විසින් උල් කූරකින් ඇන මරා දමා ඇත.
ඊයේ (04දා) පෙරවරුවේදී මෙම සිද්ධිය වී ඇත. මෙම සිරකරුවන් දෙදෙනා බූස්ස අධිආරක්ෂිත බන්ධනාගාරයේ එකම සිරමැදිරියක රඳවා සිට ඇත. එහිදී දෙදෙනා අතර ඇති වූ ආරවුලක් දුරදිග යෑමෙන් එක් රැඳවියකු විසින් අනික් රැඳවියාට උල් කූරකින් පහර දී ඇති බව පරීක්ෂණවලදී අනාවරණය වී ඇත.
බරපතළ තුවාල ලැබූ රැඳවියා ගාල්ල කරාපිටිය ජාතික රෝහලට ඇතුළත් කරනවිටත් මියගොස් සිටි බව රෝහල් ආරංචි මාර්ග සඳහන් කරයි. මියගොස් ඇත්තේ 44 හැවිරිදි වියේ පසුවන අයෙකි.
ලලිත් චාමින්ද සහ ගාල්ල – එස්.කේ. කළුආරච්චි
