තීරු බදු ප්‍රතිපත්තිය මත ඇඟලුම් ක්ෂේත්‍රයේ රැකියා අහිමිවීමට ඉඩ නොතබන බවත්, දේශීය කර්මාන්ත නඟාසිටුවීම හරහා කර්මාන්ත ක්ෂේත්‍රය ආරක්ෂා කර ගැනීමට පියවර ගන්නා බවත් කර්මාන්ත ඇමැති සුනිල් හඳුන්නෙත්ති මහතා පවසයි.
තීරු බදු පැනවීමෙන් ශ්‍රී ලංකාවට ඇතිවන අවාසිදායක තත්ත්වයන් පිළිබඳ විමර්ශනය කිරීම සඳහා රජයේ පාර්ශ්වයෙන් මේ වන විටත් ජනාධිපති අනුර කුමාර දිසානායක මහතාගේ මඟ පෙන්වීම මත කමිටුවක් පත් කර ඇත. එමගින් රටේ ආර්ථිකයට එහි බලපෑම එල්ල වීමේ ප්‍රවණතාවය සොයා බලා සෙසු රටවල් සමග ඒකාබද්ධව කර්මාන්ත ක්ෂේත්‍රය ආරක්ෂා කර ගැනීමේ මාර්ග සම්බන්ධයෙන් සැලසුම් සකස් කෙරෙන බවද ඇමැතිවරයා කියා සිටියේය.
ඇමරිකාව තීරු බදු වැඩි කර පැනවීමෙන් ඇති කළ ආර්ථික ව්‍යාකූලත්වය විසඳීමට අවශ්‍ය සැලසුම් කඩිනමින් සකස් කිරීමට පියවර ගන්නා බව ද ඇමැතිවරයා කියා සිටියේය.
සමන්ති වීරසේකර
