මියන්මාරයේ සිදුවූ ස්වභාවික විපතෙන් විපතට පත් ජනතාවට සහන සැලසීම සඳහා මුදලින් රුපියල් කෝටි එකහමාරක මුදල් ආධාර ලබා දීමට මල්වතු අස්ගිරි උභය පාර්ශ්වීය මහ නායක ස්වාමීන් වහන්සේලා සහ දළදා මාලිගාවේ දියවඩන නිලමේ නිලංග දෑල මහතා එක්ව ඊයේ (2දා) පියවර ගෙන තිබිණි.
මහනුවර දළදා මාලිගාව වැඳ පුදා ගත් මියන්මාර තානාපතිනිය එම අවස්ථාවේදී මුදල් ආධාර චෙක් පත ලබාගත් මොහොත ඡායාරූපයේ දැක්වේ.
දෙරට අතර පවතින දැඩි මිත්‍රත්වය සනිටුහන් කරමින් ද විපතේදී මිතුරන්ට උදව් උපකාර කිරීමේ බෞද්ධ දර්ශනය පදනම් කරගනිමින් ද මෙලෙස ආධාර මුදල් ලබා දෙමින් හැකි පමණ දායකත්වය ලබාදීමට තීරණය කළ බව දියවඩන නිලමේ නිලංග දෑල මහතා එම අවස්ථාවේ කියා සිටියේය.
සමන්ති වීරසේකර
