යම් අමාත්‍යංශයකට අදාල අය වැය විවාදය පැවැත්වෙන දිනයන්හි එය ඇසීමට හෝ ගැටළුවක් ඇතිවූ විට අමාත්‍යවරයාට අදාල තොරතුරු ලබාදීමට පාර්ලිමේන්තු ගැලරිය වෙත පැමිණෙන අමාත්‍යංශ නිලධාරීන්ට ජංගම දුරකථන රැගෙනයාමට අවරස නොලැබීම ගැටළුවක් වී ඇතැයි සභානායක අමාත්‍ය බිමල් රත්නායක මහතා අද පාර්ලිමේන්තුවේදී පැවසීය.ජංගම දුරකථනයක් ළග නොතිබීම නිසා අදාල අමාත්‍යවරුන්ට එම නිලධාරීන් ක්ෂණිකව සම්බන්ධ කරගත නොහැකි බව එම ගැටළුව යැයිද කීවේය. එනිසා අදාල අමාත්‍යංශයේ අය වැය විවාදය පැවැත්වෙන දිනට පාර්ලිමේන්තු ගැලරියට එන අමාත්‍යංශ නිලධාරීන්ට සිය ජංගම දුරකථනය රැගෙන යාමට අවසර ලබාදෙන ලෙස ඉල්ලා සිටියේය.
