සුහද හදක් ඇති දේශීය බැංකුව, සෙලාන් බැංකුවේ විකුණුම් කණ්ඩායම පසුගියදා පැවැත්වුණු 2024 SLIM ජාතික විකුණුම් සම්මාන උළෙලේදී [National Sales Awards (NSA)] රන් සම්මානයක්, රිදී සම්මානයක්, ලෝකඩ සම්මාන තුනක් සහ කුසලතා සම්මානයක් ඇතුළුව සම්මාන හයකින් පිදුම් ලැබීමට සමත් විය. මෙම සම්මාන උළෙල සංවිධානය කරන ලද්දේ
ශ්‍රී ලංකා අලෙවිකරණ ආයතනය [Sri Lanka Institute of Marketing (SLIM)] විසිනි.

සෙලාන් බැංකුවේ හේමාල් කුරුවිටආරච්චි Sales Executive කාණ්ඩය යටතේ රන් සම්මානය දිනාගැනීමට සමත් වූ අතර, Territory Manager කාණ්ඩයේ රිදී සම්මානය දිනාගැනීමට චමිලා විතාන සමත් විය. මහේෂ් ඒකනායක Sales Supervisor කාණ්ඩයේ ලෝකඩ සම්මානය සහ ස්වප්න මධුෂාන් Sales Executive කාණ්ඩයේ ලෝකඩ සම්මානය දිනාගත් අතර, අමිත් පෙරේරා විසින් Front Liner කාණ්ඩයේ ලෝකඩ සම්මානය දිනාගන්නා ලදී. ඊට අමතරව Territory Manager කාණ්ඩයේ කුසලතා සම්මානයක් දුෂාන්ත අබේකෝන් වෙත හිමි විය.

සෙලාන් බැංකුවේ විකුණුම් කණ්ඩායම මෙරට බැංකු ක්‍ෂේත්‍රයේ විශිෂ්ටතම කණ්ඩායම් අතරින් එකක් ලෙස අවස්ථා රැසකදී SLIM NSA සම්මාන හිමි කරගෙන තිබේ.


advertistmentadvertistment