තවත් තිදෙනෙකු අල්ලන්න දැල එලයි
රථවාහන පරීක්‍ෂාවක දී කුඩා ලොරි රථ රියැදුරකුට පහරදීම හේතුවෙන් ඔහුගේ වෘෂණ කෝෂයක් ඉවත්කිරීමට සිදුවීමේ සිද්ධිය සම්බන්ධයෙන් පඅරාධ පරීක්‍ෂක දෙපාර්තමේන්තුව මගින් අත්අඩංගුවට ගත් මැදවච්චිය පොලිසියේ දූෂන මර්දන අංශයේ ස්ථානාධිපතිවරයා මෙම මස 15 වැනිදා දක්වා රක්ෂිත බන්ධනාගාරගත කර තිබේ.
එම සිද්ධියට අදාළ නඩුව ඊයේ (8 දා) මැදවච්චිය මහෙස්ත්‍රාත් නිමේෂා ධර්මදාස මහත්මිය හමුවේ කැඳවූ අවස්ථාවේ මෙම නියෝගය නිකුත් කෙරිණි.
මන්නාරම – මැදවච්චිය මාර්ගයේ මැදවච්චිය ප්‍රාථමික විiාලය ආසන්නයේ දී පොලිස් අණ නොතකා ධාවනය කළ කුඩා ලොරි රථයක රියැදුරුට සහ සහායකයාට පොලිසිය විසින් පසුගියදා පහරදී තිබිණි.
සිද්ධිය සම්බන්ධයෙන් අත්අඩංගුවට ගත් පොලිස් සැරයන්වරයකු සහ කොස්තාපල්වරයකු මේ වනවිටත් රක්ෂිත බන්ධනාගාරගත කර තිබේ.
සිද්ධිය සම්බන්ධයෙන් තවත් පොලිස් නිලධාරීන් තිදෙනකු අත්අඩංගුවට ගැනීමට නියමිත බවත්, ඔවුන් පදවිය හා කැබිතිගොල්ලෑව යන පොලිස් ස්ථානවල සේවය කරන බවත් රහස් පොලිසිය පවසයි.
ප්‍රදීප් ප්‍රසන්න සමරකෝන්
