ඩයලොග් ලීග් ශූරතා පාසල් රග්බි තරඟාවලිය යටතේ තම අපරාජිත බව තවදුරටත් ආරක්ෂා කර ගැනීමට කොළඹ ඉසිපතන විදුහල සහ බම්බලපිටිය ශාන්ත පීතර විදුහල නියෝජනය කළ ක්‍රීඩකයෝ සමත් වූහ.
ඒ අනුව “ප්‍රමුඛ පෙළ – 1” කාණ්ඩය යටතේ තරග වැදුණු ප්‍රතිවාදී සියලුම පාසල් පරාජය කරමින් පෙරමුණ ගැනීමට ඉසිපතන විදුහලට හැකිවූ අතර ප්‍රතිවාදී පාසල් 05 ක් අභිබවමින් “ප්‍රමුඛ පෙළ – 2” කාණ්ඩයේ පෙරමුණ ආරක්ෂා කර ගැනීමට ශාන්ත පීතර විදුහල සමත් විය.
ඩී. එස්. සේනානායක විදුහල හමුවේ ගල්කිස්ස ශාන්ත තෝමස් විදුහල ලකුණු 03 කින් ද මහනුවර ත්‍රිත්ව විදුහල හමුවේ කොළඹ රාජකීය විදුහල ලකුණු 03 කින් ද ශාන්ත පීතර හමුවේ ගල්කිස්ස විද්‍යා විදුහල ලකුණු 29 කින් ද ඉසිපතන විදුහල හමුවේ වෙස්ලි විදුහල ලකුණු 13 කින් ද මහනුවර ශාන්ත අන්තෝනි විදුහල හමුවේ මහනුවර
කිංග්ස්වුඩ් විදුහල ලකුණු 16 කින්ද කොළඹ සහිරා විදුහල හමුවේ මහනුවර විද්‍යාර්ථ විදුහල ලකුණු 20 කින් ද ඉකුත් සති අන්තයේදී පරාජය වූයේය.
තරග ප්‍රතිඵල
ඩී.එස්. 13 – ශාන්ත තෝමස් 10
ත්‍රිත්ව 13 – රාජකීය 10
ඉසිපතන 24 – වෙස්ලි 11
ශාන්ත පීතර 29 – විද්‍යා විදුහල 00
ශාන්ත අන්තෝනි 26 – කිංග්ස්වුඩ් 10
සහිරා 23 – විද්‍යාර්ථ 03
අනුරුද්ධ හේරත් බණ්ඩාර
