රටේ මන්දපෝෂණ තත්ත්වයේ ශීඝ්‍ර වර්ධනයක් සිදුවෙමින් පවතින බවට පසුගිය වසරේ සැප්තැම්බර් මාසයේදී තමා කළ හෙළිදරව්ව පිළිබඳව පසු විපරම් නොකර රැකියාවද අහිමි කරමින් තමන්ව ගිලටීනයට යවා අද රටේ ජනගහනයෙන් මිලිනයක් මන්දපෝෂණයෙන් පෙළෙන බව සෞඛ්‍ය ඇමැතිවරයාම පාර්ලිමේන්තුවේදී පිළිගැනීම දැඩි සංවේගයට කරුණක් බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති විශේෂඥ වෛද්‍ය චමල් සංජීව මහතා දිවයිනට ඊයේ (20 දා) ප්‍රකාශ කළේය.
මන්දපෝෂණ තත්ත්වය පිළිබඳව තමා කළ හෙළිදරව්ව බොරු බව කීමට රජයට එදා දත්ත වාර්තා නොතිබූ බවත් එය පවුල් සෞඛ්‍ය කාර්යාංශය විසින්ද තහවුරු කර තිබූ බවත් පැවසූ විශේෂඥ වෛද්‍යවරයා යුනිසෙෆ් සංවිධානය විසින්ද තහවුරු කර තිබූ එම පුවත එදා සෞඛ්‍ය ලේකම්වරයා විසින් පිළිනොගැනීම හේතුවෙන් සිදුවූයේ තමන්ට රැකියාව අහිමිවීම බවත් කීවේය. අද පාර්ලිමේන්තුවේදී තමා එදා කළ හෙළිදරව්ව සෞඛ්‍ය ඇමැති කෙහෙළිය රඹුක්වැල්ල මහතා විසින්ම පිළිගැනීම දෛවෝපගත සිදුවීමක් බවද වැඩිදුරටත් ඔහු සඳහන් කළේය.
සුජීව තත්සර
