රුපියල් ලක්‍ෂයක් කප්පමක් ලබා නොදුනහොත් ඝාතනය කරන බවට ව්‍යාපාරිකයකුට දුරකථනයෙන් තර්ජනය කළේ කියන සිද්ධියක් සම්බන්ධයෙන් අත්අඩංගුවට ගෙන ඉදිරිපත් කළ සංවිධානාත්මක අපරාධ කල්ලි නායකයකු වන පෙතියාගොඩ සංඛ නමැත්තාගේ සමීපතම ගෝලයකු වන දෙල්ගහවත්තේ අජිත් කුමාර නමැත්තා ලබන 9 වැනිදා දක්වා රක්‍ෂිත බන්ධනාගාරගත කිරීමට කොළඹ අතිරේක මහෙස්ත්‍රාත් තරංගා මහවත්ත මහත්මිය නියෝග කළාය. පොලිතින් ව්‍යාපාරිකයකු වන පැමිණිලිකරු විසින් කරන ලද පැමිණිල්ලක් අනුව සංවිධානාත්මක අපරාධ කොට්ඨාසය එම සැකකරු අත්අඩංගුවට ගෙන අධිකරණයට ඉදිරිපත් කොට තිබිණි.
ඒ. ජේ. ඒ. අබේනායක
