කෑගල්ලට 19 වන දින පැවැති අධික වර්ෂාව නිසා නගරය ජලයෙන් යට වූ අතර මාර්ගවල නවතා තිබූ මෝටර් රථ ත්‍රිරෝද රථ හා නිවෙස්වල තිබූ භාණ්ඩද ජල පහරට හසුවී ගසාගෙන ගොස් තිබිණ.
සමහර ත්‍රිරෝද රථ ලණුවලින් ගැට ගසා බැඳ තිබූ අතර රෙදි සෝදන යන්ත්‍ර ඇළ පහළට ගසා ගෙන ගොස් තිබිණ.
කෑගල්ල බණ්ඩාරනායක මාවතේ නාය යෑමක් හේතුකොටගෙන මාර්ගය එම කොටස සම්පූර්ණයෙන්ම වැසී යෑම නිසා ප්‍රවාහන කටයුතු සම්පූර්ණයෙන්ම නැවතී තිබීම නිසා පාසල් දරුවන් මහත් අපහසුතාවයකට පත් වී සිටියේය.
කෑගල්ල නගර සභාව හා පොලිසිය එක්ව මාර්ගයේ පස් හා ගස් ඉවත් කිරීමට කටයුතු යොදා ඇත.
කෑගල්ල – එම්. බී. පහලවත්ත
