කොළඹට පැමිණෙන ගැනුම්කරුවන්ගේ අඩුව නිසා නාට්ටාමිවරුන් දසදහසක් පමණ අන්ත අසරණ වී ඇතැයි නාට්ටාමිවරුන්ගේ සංගමයේ සභාපති අනුරුද්ධ කොතලාවල මහතා ‘දිවයින’ට ඊයේ (22 වැනිදා) පැවසීය.
සමහර නාට්ටාමිවරුන් ජීවිතය ගැන කලකිරීමට පත්ව ඇතැයි ද හෙතෙම කීය.
පසුගිය කොවිඩ් පැවැති වසර දෙකක කාලයේදී කිසිදු වැඩකටයුත්තක් සිදුනොවීම නිසා ඔවුන් වඩාත් අන්ත අසරණ වූ බව ද ඔහු කියා සිටියේය. කොළඹ නාට්ටාමිවරුන් 4000ක් ද, පෑලියගොඩ නාට්ටාමිවරුන් 6000ක් ද සේවාවල නිරත වන බව ද හෙතෙම සඳහන් කළේය.
වගකිවයුතු මැති ඇමැතිවරුන්ට මෙම ගැටලුව ගැන දැනුම්දී සිටියත් මෙතෙක් කිසිදු සහනයක් ලබාදී නැතැයි ද ඔහු කියා සිටියේය.
ප්‍රදීප් ප්‍රසන්න සමරකෝන්
