71 වැනි ජාතික බැඩ්මින්ටන් ශූරතාවලිය
ශ්‍රී ලංකා බැඩ්මින්ටන් ආයතනය සංවිධාන කළ 71 වැනි ජාතික බැඩ්මින්ටන් ශූරතාවලියේදී ත්‍රිත්ව ශූරතා දිනා ගනිමින් ජාතික බැඩ්මින්ටන් ශූරයා ලෙස අභිෂේක ලැබීමට බුවනෙක ගුණතිලක සමත් විය. පිරිමි විවෘත ඒකල අවසන් මහා තරගයේදී ලකුණු 21-16ක් සහ 21-7ක් ලෙස විරේන් නෙත්තසිංහ පරාජය කළ බුවනෙක විවෘත මිශ්‍ර යුගල අවසන් තරගයේදී නටාෂා ගුණසේකර සමඟ එක්ව මධුක දුලාංජන සහ බුත්මි ගලගමගේ ලකුණු 21-13ක්, 15-21ක් සහ 21-18ක් ලෙස පරාජය කළ අතර, විවෘත පිරිමි යුගල අවසන් තරගයේදී විරේන් නෙත්තසිංහ සමඟ එක්ව ලකුණු 21-15ක් සහ 23-21කින් ළහිරු වීරසිංහ සහ මධුක දුලාංජන පරාජයට පත් කළේය.
මේ අතර විවෘත කාන්තා ඒකල අවසන් මහා තරගයේදී ලකුණු 21-10ක් සහ 21-6ක් වශයෙන් වරංගනා ජයවර්ධන පරාජය කරමින් ජාතික බැඩ්මින්ටන් ශූරිය ලෙස අභිෂේක ලැබීමට රනිත්මා ලියනගේ සමත් වූවාය.
ශූරතාවලියේ විවෘත කාන්තා යුගල තරග අංශය ජයගනු ලැබුවේ දිලිනි අම්බලන්ගොඩගේ සහ රනුමි මානගේ ලකුණු 15-21ක්, 21-9ක් සහ 21-18ක් ලෙස පරාජයට පත් කළ ජනනුවනි අමන්දි ද අල්විස් සහ හසාරා විජේරත්න විසිනි.
ශ්‍රී ලංකා බැඩ්මින්ටන් ආයතනයේ ක්‍රීඩාගාරයේ, වෙළෙඳ සේවා ගෘහස්ථ බැඩ්මින්ටන් ක්‍රීඩාගාරයේ සහ ඩී.එස්. සේනානායක ගෘහස්ථ ක්‍රීඩාංගණයේදී කනිෂ්ඨ, ජ්‍යෙෂ්ඨ සහ විවෘත වශයෙන් කාණ්ඩ තුනකින් යුතුව පැවැති 71 වැනි ජාතික බැඩ්මින්ටන් ශූරතාවලියේ අවසන් තරග සහ ත්‍යාග ප්‍රදානෝත්සවය ක්‍රීඩා හා තරුණ කටයුතු අමාත්‍යාංශයේ ලේකම් කේ. මහේෂන් මහතාගේ ප්‍රධානත්වයෙන් පැවැති අතර, ක්‍රීඩා අධ්‍යක්ෂ ආචාර්ය ශෙමාල් ප්‍රනාන්දු, පාසල් බැඩ්මින්ටන් සංගමයේ සභාපති අතුල විජේවර්ධන, අධ්‍යාපන අමාත්‍යාංශයේ සහකාර අධ්‍යක්ෂ ප්‍රභාත් ඉන්දික, ශ්‍රී ලංකා බැඩ්මින්ටන් ආයතනයේ සභාපති රොහාන් ද සිල්වා සහ එම ආයතනයේ නිලධාරීන් මේ අවස්ථාවට එක් වූහ.
විවෘත හා ජ්‍යෙෂ්ඨ අංශයේ ජයග්‍රාහක ජයග්‍රාහිකාවෝ විවෘත අංශය
විවෘත පිරිමි ඒකල – බුවනෙක ගුණතිලක විවෘත කාන්තා ඒකල – රනිත්මා ලියනගේ
විවෘත පිරිමි යුගල – බුවනෙක ගුණතිලක/ විරේන් නෙත්තසිංහ විවෘත කාන්තා යුගල – ජනනුවනි අමන්දි ද අල්විස්/ හසාරා විජේරත්න
විවෘත මිශ්‍ර යුගල – බුවනෙක ගුණතිලක/ නටාෂා ගුණසේකර
ජ්‍යෙෂ්ඨ අංශය
30න් ඉහළ
පිරිමි ඒකල – ප්‍රසන්න උදයකුමාර කාන්තා ඒකල – නදීෂා ගයාත්‍රි පිරිමි යුගල – රජිත දහනායක / ළහිරු මධුෂාන් මිශ්‍ර යුගල – ප්‍රසන්න උදයකුමාර / නදීෂා ගයාත්‍රි
35න් ඉහළ
පිරිමි ඒකල – රොෂාන් පද්මකුමාර කාන්තා ඒකල – රේණු චන්ද්‍රිකා ද සිල්වා පිරිමි යුගල – අනුෂ්ක ලක්ෂාන් / රොෂාන් පද්මකුමාර
40න් ඉහළ
පිරිමි ඒකල – හේමන්ත කොඩිතුවක්කු පිරිමි යුගල – අමිල යටපාන / නිශාන්ත ජයමාන්න මිශ්‍ර යුගල – හිරුණ දිසානායක /අසංගි කොඩිතුවක්කු
45න් ඉහළ
පිරිමි ඒකල – සුභාෂ් ජානක කාන්තා ඒකල – ප්‍රියංකා අබේරත්න පිරිමි යුගල – ක්ලැරන්ස් හෝමර් /දුමින්ද ජයකොඩි කාන්තා යුගල – ප්‍රියංකා අබේරත්න /විපුලි සෙනෙවිරත්න මිශ්‍ර යුගල – දුමින්ද ජයකොඩි / ප්‍රියංකා අබේරත්න
50න් ඉහළ
පිරිමි ඒකල – දුමින්ද ජයකොඩි කාන්තා ඒකල – විපුලි සෙනෙවිරත්න පිරිමි යුගල – නිහාල් අමරසේන /දුමිඳු සෝමනායක කාන්තා යුගල – තුෂාරි බ්‍රාහ්මණගේ /ශ්‍රියානි ජයලත් මිශ්‍ර යුගල – සුභාෂ් ජානක සිල්වා / විපුලි සෙනෙවිරත්න
55න් ඉහළ
පිරිමි ඒකල – නිරෝෂන් විජේකෝන් කාන්තා ඒකල – මර්සි හරිහරන් පිරිමි යුගල – එන්. විජේසේකර /නිරෝෂන් විජේකෝන්
60න් ඉහළ
පිරිමි ඒකල – අනෝජ් තිලකරත්න පිරිමි යුගල – රොහාන් ද සිල්වා / රොහාන් ප්‍රනාන්දු මිශ්‍ර යුගල – සුහේර් අසීස් / ශ්‍රියානි ජයලත්
65න් ඉහළ
පිරිමි ඒකල – අමරතුංග ලියනගේ පිරිමි යුගල – ඊ. එම්. චන්ද්‍රතිලක /මොහොමඩ් අසාර්
70න් ඉහළ
පිරිමි ඒකල – සුනිල් ජයසිරි
