දැනට පාර්ලිමේන්තුවේ සිටින ජ්යෙෂ්ඨතම නිලධාරියා වන වේත්රධාරි නරේන්ද්ර ප්රනාන්දු මහතා දශක හතරක සේවා කාලයකින් පසුව අනිද්දා (30 දා) විශ්රාම යෑමට නියමිතව ඇත.
පැරණි සහ නව පාර්ලිමේන්තු දෙකෙහිම සේවය කර ඇති ඒ මහතා වේත්රධාරි ධුරයෙහි වසර පහමාරක පමණ කාලයක් කටයුතු කළේය. ඒ මහතා පාර්ලිමේන්තු සම්ප්රදාය සහ එම ක්රියා මාර්ග ආරක්ෂා කිරීමට දැඩි කැපවීමකින් කටයුතු කළේය. වේත්රධාරි ධුරය සහ එහි කාර්ය භාරය සම්බන්ධයෙන් ජනතාව ද දැනුවත් කිරීමට දැඩි පරිශ්රමයක් දැරූ ඒ මහතා පාර්ලිමේන්තුව ආවරණය කරන මුද්රිත සහ විද්යුත් මාධ්යවේදීන්ගේ මිතුරෙක් ද විය.
නරේන්ද්ර ප්රනාන්දු මහතා ධුරයෙන් විශ්රාම ගැනීමෙන් පසුව එම තනතුරට නියෝජ්ය වේත්රධාරි කුෂාන් ජයරත්න මහතා පත්වීමට නියමිතව ඇත.
අකිත පෙරේරා