සම්බාහන මධ්යස්ථාන මුවාවෙන් පවත්වා ගෙන ගිය ගණිකා නිවාස දෙකක් වටලා කාන්තාවක් පස් දෙනෙකු සමග කළමනාකරුවෙක් හා කළමනාකාරිණියක් කිරිබත්ගොඩ පොලිසිය මගින් පෙරේදා 17 වැනිදා රාත්රියේ අත්අඩංගුවට ගන්නා ලදී.
පොලිසිය විසින් මහර මහෙස්ත්රාත් අධිකරණයෙන් ලබා ගන්නා ලද සෝදයි වරෙන්තු මත පොලිස් උපාය දූතයින් යොදවා මේ වැටලීම සිදු කෙරිණි.
ඉන් එක් සම්බාහන මධ්යස්ථානයක් නුවර පාරේ ගාල හන්දියේ දී හා සෙසු සම්බාහන මධ්යස්ථානය මාකොළ පාර ප්රදේශයේ දී මෙසේ වැටලූහ.
ගාල හන්දියේ සම්බාහන මධ්යස්ථානයේදී කාන්තාවන් තිදෙනෙකු සමග කළමනාකරුවකු අත්අඩංගුවට ගත් අතර මාකොළ පාර ප්රදේශයේ සම්බාහන මධ්යස්ථානයේදී කාන්තාවන් දෙදෙනෙකු සමග කළමනාකාරිණියක් අත්අඩංගුවට ගැනිණි.
මේ කාන්තාවන් අම්පාර , කැලණිය හා කඩවත යන ප්රදේශවල පදිංචි වයස අවුරුදු 22 ත් 48 ත් අතර වියේ පසුවන්නන් වෙති.
කළමනාකරු රත්නපුරය ප්රදේශයේ පදිංචි 38 හැවිරිදි තැනැත්තෙකු වන අතර කළමනාකාරිණිය සියඹලාණ්ඩුව ප්රදේශයේ පදිංචි 28 හැවිරිදි තැනැත්තිනියක් වන්නීය.
අත්අඩංගුවට ගන්නා ලද මොවුන් මහර මහෙස්ත්රාත් අධිකරණයට ඉදිරිපත් කිරීමට කටයුතු කර ගෙන යති.
මේ වැටලීමට කිරිබත්ගොඩ පොලිසියේ වැඩ බලන ස්ථානාධිපති ප්රධාන පොලිස් පරීක්ෂක මංජුල ද සිල්වා , අපරාධ විමර්ශන අංශයේ උප පොලිස් පරීක්ෂක මධුරංග ගමගේ , පො කො. රත්නායක ( 90071 ) , නන්දසිරි ( 93652 ) , දෙවිදු ( 100478 ) , හුස්මින් ( 98467 ) , කාන්තා පො කො. සෙව්වන්දි ( 10588 ) හා චංචලා ( 12125 ) යන නිලධාරීහු ඇතුළු පොලිස් කණ්ඩායමක් එක් වී සිටියහ.
දෙල්ගොඩ ඩබ්ලිව් ඩී විතාන හා බියගම සුදත් පුබුදු කීර්ති