දිවයිනේ ප්රමුඛතම බෞද්ධ පිරිමි පාසල් ද්විත්වයක් වන ආනන්ද සහ නාලන්දා විද්යාල අතර කොළඹ එස්. එස්. සී. පිටියේ දී පැවැති 94 වැනි “සුලෝහිත සංග්රාමය” වාර්ෂික මහා ක්රිකට් තරගය නැරඹීමට ජනාධිපති රනිල් වික්රමසිංහ ද ඊයේ (03 වැනිදා) පස්වරුවේ එක් වූයේය.
සිසුන් දිරිමත් කරමින් තරගය නැරඹීමට එක් වූ ජනාධිපති රනිල් වික්රමසිංහ මහතා තරගය නැරඹීමට පැමිණ සිටි පිරිස සමඟ ද සුහද කථා බහක නිරත විය.
ජනාධිපතිවරයාගේ සම්ප්රාප්තිය සනිටුහන් කරමින් කොළඹ ආනන්ද විද්යාලයේ විදුහල්පති ලාල් දිසානායක සහ නාලන්දා විද්යාලයේ විදුහල්පති ඉරාන් චම්පික ද සිල්වා යන මහත්වරුන් විසින් ජනාධිපතිවරයා වෙත සිහිවටන තිළිණයක් ද පිළිගැන්වීය.
හිටපු කථානායක කරු ජයසූරිය, හිටපු පාර්ලිමේන්තු මන්ත්රී තිලංග සුමතිපාල, ආරක්ෂක අමාත්යාංශයේ ලේකම් විශ්රාමික ජෙනරල් කමල් ගුණරත්න, ගුවන් හමුදාපති එයාර් මාර්ෂල් උදේනි රාජපක්ෂ, පොලිස්පති දේශබන්දු තෙන්නකෝන් යන මහත්වරු ඇතුළු පිරිසක් මෙම අවස්ථාවට එක්ව සිටියහ.