2023 ලෝක කුසලාන ක්‍රිකට් තරගාවලියේ සමාරම්භක තරගයේ දී නවසීලන්ත කණ්ඩායම අද (05) එංගලන්ත කණ්ඩායමට එරෙහිව කඩුලු 09ක ජයක් හිමි කර ගත්තේය. නවසීලන්තයේ ආරාධනයෙන් පළමුවෙන් පන්දුවට පහරදුන් එංගලන්තය නියමිත පන්දුවාර 50 අවසානයේ කඩුළු 09ක් දැවී ලකුණු 282ක් රැස් කළේය.ඒ අනුව තරගය ජයගැනීම සඳහා නවසීලන්තයට හිමිවූ ඉලක්කය ලකුණු 283කි.එම ඉලක්කය හඹාගිය නවසීලන්තය පන්දුවාර 36යි පන්දු .02ක් අවසානයේ එක් කඩුල්ලක් පමණක් දැවී ලකුණු 283ක් ලබා සිය ජයග්‍රහණය වාර්තා කළේය.නවසීලන්තය ජයග්‍රහණය කරා රැගෙන ගිය ඩෙවොන් කොන්වේ ලකුණු 152ක් සහ රචින් රවින්ද්‍ර ලකුණු 123ක් රැස් කළේය.
