හිටපු සෞඛ්ය ඇමැති කෙහෙළිය රඹුක්වැල්ල මහතා අත්අඩංගුවට ගන්නා ලෙස බලකරමින් අපරාධ පරීක්ෂණ දෙපාර්තමේන්තුව ඉදිරිපිට සත්යග්රහයක නිරත වූ විශේෂඥ වෛද්ය චමල් සංජීව මහතා ඇතුළු සිවිල් ක්රියාකාරීන් දහ දෙනෙකු විශේෂ පොලිස් කණ්ඩායමක් විසින් ඊයේ රාත්රියේදී අත්අඩංගුවට ගෙන ඇත. මෙම පිරිස කොම්පඤ්ඤවීදිය පොලිසිය වෙත රැගෙන ගොස් ඇති අතර ඔවුන්ගෙන් ප්රකාශ ලබා ගැනීමෙන් පසු අද දින කොටුව මහෙස්ත්රාත් අධිකරණය වෙත ඉදිරිපත් කිරීමට කටයුතු කරන බව ජ්යෙෂ්ඨ පොලිස් නිලධාරියෙක් කියා සිටියේය.
ප්රතිදේහ එන්නත් වංචාව සම්බන්ධයෙන් හිටපු සෞඛ්ය ඇමැති කෙහෙළිය රඹුක්වැල්ල මහතා අත්අඩංගුවට ගන්නා ලෙස බල කරමින් මොවුහු අපරාධ පරීක්ෂණ දෙපාර්තමේන්තුව ඉදිරිපිට විරෝධතා පුවරු ප්රදර්ශනය කරමින් ඊයේ දහවල් සිට සත්යග්රහයේ නිරතව සිටියහ.
හේමන්ත රන්දුණු
ප්රශ්න සහගත ඉමියුනොග්ලොබියුලින් ගනුදෙනුවට සම්බන්ධ හිටපු සෞඛ්ය අමාත්ය කෙහෙළිය රඹුක්වැල්ල සම්බන්ධයෙන් සාක්ෂි තිබියදීත් අත්අඩංගුවට නොගැනීමට විරෝධය පළකරමින් අල්ලස දූෂණය නාස්තියට එරෙහි පුරවැසි බලය සහ පරිසර, සිවිල් සහ මහජන සංවිධාන එකමුතුව විසින් ආරම්භ කරන ලද සත්යග්රහය ඊයේ (31දා) දින අපරාධ පරීක්ෂණ දෙපාර්තමේන්තුව ඉදිරිපිටදී පැවැත්වූ අයුරු. මෙම ක්රියාකාරීහු 10 දෙනෙක් ඊයේ රාත්රි අත්අඩංගුවට පත්වූහ.
ඡායාරූපය – සුජාතා ජයරත්න