ඊයේ වැඩිම උෂ්ණත්වය කටුනායකින්
පවතින වියළි කාලගුණික තත්ත්වය ලබන මාර්තු මාසයේ අග තෙක්ම පවතින බව කාලගුණ විද්යා දෙපාර්තමේන්තුවේ කාර්යයේ නියුතු කාලගුණ විද්යාඥ ජනක කුමාර මහතා ‘දිවයින’ ට ඊයේ (13 දා) පැවසීය.
කෙසේ වෙතත් මෙම මාසයේ 16 වැනිදා දක්වා සුළු, සුළු වැසි වාර කිහිපයක් නැඟෙනහිර, ඌව, උතුර, දකුණ, උතුරු මැද පළාත්වලටත් නුවරඑළිය, මාතලේ, පොළොන්නරුව දිස්ත්රික්කවලටත් ඇතිවිය හැකි බව ද හෙතෙම කීය.
එසේම බස්නාහිර, සබරගමුව පළාත්වලටත් ගාල්ල, මාතර දිස්ත්රික්කවලටත් සවස්භාගයේ සුළු වැසි ඇතිවිය හැකි බව ද ඒ මහතා සඳහන් කළේය. මේ අතර, ගතවූ පැය 24 තුළ දිවයිනේ වැඩිම උෂ්ණත්වය කටුනායක ප්රදේශයෙන් වාර්තා වන බවත් එම අගය සෙල්සියස් අංශක 35.5 ක් බවත් හෙතෙම කියා සිටියේය.
ප්රදීප් ප්රසන්න සමරකෝන්