ජාතික ජන බලවේගය (මාලිමාව) පෙරේදා (26 දා) කොළඹ පැවැත්වූ විරෝධතා පාගමනට ජලය ලීටර් හයදහස් පන්සියයක් පමණ එල්ල කිරීමට සිදුවූ බව මහජන සාමය කළමනාකරණ ජල ප්‍රහාර ඒකකයේ පොලිස් ප්‍රකාශකයෙක් ‘දිවයින’ ට පැවැසීය.
මෑත භාගයේ උද්ඝෝෂණ විසුරුවා හැරීමට සිදුකළ වැඩිම ජල ප්‍රහාරය මෙය බව ද පොලිසිය කියයි.
ජල සම්පත් මණ්ඩලය මගින් සපයන ලද මෙම ජලය පිරිසිදු තත්ත්වයේ පවතින බව ද මේ සඳහා රථ දෙකක් යොදා ගත් බව ද පොලිසිය කියයි.
විරෝධතා පාගමනට සහභාගි වූ අතිවිශාල පිරිස හේතුවෙන් මෙසේ ජලය යොදාගැනීමට සිදුවූ බවත් අරගල සමයට පසු වැඩිම ජල ප්‍රහාරයක් එල්ල කර ඇත්තේ පෙරේදා බවත් වාර්තා වේ.
නෝමන් පළිහවඩන
