සුඩානයේ කාර්ටූම් හි පවතින ගැටුම් හේතුවෙන් සාමාන්‍ය වැසියන් 400කට අධික පිරිසක් මියගොස් තිබේ.
ගැටුම්වලින් සිවිල් වැසියන් 411 දෙනෙකු මියගොස් ඇති බවට නිල දත්ත වාර්තා මඟින් එරට ආරක්ෂක අංශ අනාවරණය කර ඇති බව විදෙස් මාධ්‍ය වාර්තා කළේය.
පසුගිය සති කිහිපයේ පැවැති ගැටුම්ලින් පමණක් සිවිල් වැසියන් 2,000කට වඩා අධික සංඛ්‍යාවක් තුවාල ලබා ඇති බවට එරට සෞඛ්‍ය බලධාරීන් ප්‍රකාශ කළ ද එම ගණන ඊට වඩා වැඩි අගයක් ගන්නා බව සඳහන් ය. කෙසේ වෙතත් මේ සම්බන්ධයෙන් නිවේදනයක් නිකුත් කරමින් සුඩාන සෞඛ්‍ය අමාත්‍යාංශය පෙන්වාදී ඇත්තේ ගැටුම් ආරම්භයේ සිට මේ දක්වා ලද තොරතුරුවලට අනුව සටන්කාමීන් ඇතුළු සමස්ත මරණ 528ක් වාර්තා වන අතර තුවාල ලැබූවන් 4,500ක් වාර්තා වී ඇති බවය.
