ඇපිට් ශ්‍රී ලංකා ආයතනය (APIIT Sri Lanka) පසුගියදා බණ්ඩාරනායක අනුස්මරණ සම්මන්ත්‍රණ ප්‍රධාන ශාලාවේදී සිය වාර්ෂික උපාධි ප්‍රදානෝත්සවය පවත්වන ලදි.
මෙම අවස්ථාවට ප්‍රධාන ආරාධිත අමුත්තා ලෙස නෙස්ලේ ලංකා පීඑල්සී හි කළමනාකාර අධ්‍යක්ෂ ජේසන් අවන්සේනා මහතා සහ එක්සත් රාජධානියේ ස්ටැෆර්ඩ්ෂයර් (Staffordshire) විශ්වවිද්‍යාලයේ උපකුලපති සහ ප්‍රධාන විධායක මහාචාර්ය මාර්ටින් ජෝන්ස් මහතා සහභාගී විය. මෙම උපාධි ප්‍රදානෝත්සවයේදී සිසුන් 456 දෙනෙකු එක්සත් රාජධානියේ ස්ටැෆර්ඩ්ෂයර් විශ්ව විද්‍යාලයෙන් ව්‍යාපාර, පරිගණක තොරතුරු තාක්ෂණය සහ නීතිය පිළිබඳ උපාධි සහ පශ්චාත් උපාධි ලබා ගත්හ. උපාධිධාරීන් විසින් ප්‍රථම පන්තියේ ගෞරව උපාධි 80ක්, දෙවන පන්තියේ (පළමු පෙළ) උපාධි 154ක්, විශිෂ්ටතා සහිත පශ්චාත් උපාධි 46ක් ලබා ගැනීමේ සාර්ථකත්වය ද මෙම උත්සවයේදී සමරන ලදි. ඇපිට් ශ්‍රී ලංකා ආයතනය යනු, එක්සත් රාජධානියේ ස්ටැෆර්ඩ්ෂයර් විශ්වවිද්‍යාලය සහ මැලේසියාවේ ආසියා පැසිෆික් තාක්ෂණ හා නවෝත්පාදන විශ්වවිද්‍යාලය සමඟ සහයෝගීතාවයෙන් පිහිටුවන ලද පිළිගත් උසස් අධ්‍යාපන ආයතනයක් වන අතර, අද වන විට සුදුසුකම් ලත් උපාධිධාරීන් 4,700 කට අධික සංඛ්‍යාවක් බිහිකර ඇත.
APIIT ශ්‍රී ලංකා 2022 හි උපාධි ප්‍රදානෝත්සවයේ ප්‍රධාන ආරාධිත අමුත්තා වන නෙස්ලේ ලංකා පී.එල්.සී. හි කළමනාකාර අධ්‍යක්ෂ ජේසන් ඇවන්සෙන්‍යා මහතා (වම් පසින්) සහ APIIT ශ්‍රී ලංකා හි සභාපති බන්දුල එගොඩගේ මහතා උත්සව සභාව අමතන අයුරු ඉහත ඡායාරූපයෙන් දැක්වේ.
