දිවයිනේ දැනට පවතින වැසි තත්ත්වය අද දිනයේත් තවදුරටත් බලාපොරොත්තු විය හැකි බව කාලගුණ විද්‍යා දෙපාර්තමේන්තුව නිවේදනය කරයි.දිවයිනේ බොහෝ ප්‍රදේශවල පස්වරු 02.00න් පමණ පසු වැසි හෝ ගිගුරුම් සහිත වැසි ඇති විය හැක.බස්නාහිර, වයඹ, දකුණ, මධ්‍යම සහ නැඟෙනහිර පළාත්වල ඇතැම් ස්ථානවලට මිලි මීටර් 75ට වැඩි තරමක තද වැසි ද ඇති විය හැකි බව වාර්තා වේ.බස්නාහිර, දකුණු, වයඹ සහ නැඟෙනහිර පළාත්වල උදෑසන කාලයේ ද වැසි ඇති විය හැකි බව සඳහන්ය.ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටියි.
