අබුඩාබි ඔ10 ක්‍රිකට් තරගාවලියේ වැඩිම කඩුලු ලාභියා බවට පත්වීමට චාමික කරුණාරත්න සමත් වී ඇත.
තරගාවලියේ පෙරේදා පැවති 18 වැනි තරගයේ දී දිල්ලි බුල්ස් කණ්ඩායමට එරෙහිව කඩුලු 3 ක් ලබා ගනිමින් චාමික එම වාර්තා අතරට එක් වී ඇත.
නිව්යෝර්ක් ස්ට්‍රයිකර්ස් කණ්ඩායම චාමික නියෝජනය කරන අතර ඔහුගේ එම දස්කම් හේතුවෙන් ස්ට්‍රයිකර්ස් කණ්ඩායමට ලකුණු 67 ක ජයක් එම තරගයේදී අත් විය. චාමික එහිදී ලකුණු 6කට කඩුලු 3 ක් දවා ගනිමින් තරගයේ වීරයා සම්මානයෙන් පිදුම් ලැබූ අතර ඔහු මේ වනවිට තරග 4කදී කඩුලු 9 ක් දවා ගෙන ඇත. ඔහුට පසුව ජේසන් හෝල්ඩර් කඩුලු 8 ක් දවා ගෙන ඇත.
