සේවක අර්ථසාධක අරමුදලේ තැන්පත් කර ඇති විශ්‍රාමික ඉතුරුම්වලට දේශීය ණය ප්‍රතිව්‍යුහගතකරණ ක්‍රියාවලිය යටතේ අඩු කිරීමට රජය ගෙන ඇති තීරණය අනවශ්‍ය හා සාධාරණ නොවන බව මෙරට ජනගහනයෙන් 77% ක් පවසන බව Syndicated Surveහි සමීක්‍ෂණය තුළින් හෙළිවී ඇතැයි වෙරිටේ රිසර්ච් සඳහන් කරයි.
පසුගිය ඔක්තෝම්බර් මාසයේ මෙම සමීක්‍ෂණය සිදුකර තිබේ. රජයේ එම යෝජිත ක්‍රියාවලිය සාධාරණ බව කියනුයේ ජනගහනයෙන් 10% ක් පමණක් බව ද සඳහන් වේ. 13% ක් ඒ පිළිබඳව කිසිවක් නොදනිති.
වෙරිටේ රිසර්ච් සහ ජනමත විමසුමට දත්ත එකතු කිරීමට සහාය ලබාදෙන වැන්ගාර්ඩ් (පෞද්ගලික) ආයතනය සමග එක්ව සම්පාදිත සමීක්‍ෂණ මෙවලමක් හරහා මේ පිළිබඳ සමීක්‍ෂණය සිදුකර තිබේ.
